Esdras 5:14 - Q'eqchi Bible

¹⁴ Kixtaqla ajwi' risinkil sa' xna'ajeb' li xyoseb' laj Babilonia chixjunileb' li k'anjelob'aal yiib'anb'ileb' rik'in plaat ut oor li ke'maq'e'k xb'aan laj Nabukodonosor sa' rochoch li Yos arin Jerusalén ut ke'k'ame'k toj Babilonia. Chirix chik a'an ke'q'axtesiik re jun li winq, aj Sesbasar xk'ab'a', li kixaqab'aak cho'q aj jolominel.

Li Santil hu

¹⁴ Ut xeꞌxye ajcuiꞌ nak li rey Ciro quirisi saꞌ xnaꞌajeb lix dioseb laj Babilonia chixjunil li secꞌ oro ut plata li quixxoc chak laj Nabucodonosor saꞌ lix templo li Ka̱cuaꞌ aran Jerusalén. Quixkꞌaxtesiheb li secꞌ re laj Sesbasar li nataklan saꞌ xbe̱neb laj Judá.

Esdras 5:14 ပူးပေါင်းရင်းမြစ်များ

Esdras 6:5

Eb' li k'anjelob'aal yiib'anb'ileb' rik'in plaat ut oor re li rochoch li Yos, li kirisi laj Nabukodonosor aran Jerusalén ut kixk'am Babilonia, tento te'q'ajsimanq re naq wanq chixjunil sa' xna'aj Jerusalén ut taak'eemanq wi' chik sa' rochoch li Yos»”.

Jeremías 52:19

Li xjolomileb' laj puub' kixxok ajwi' eb' li sek', li xanxaar, li k'anjelob'aal re kirkisink, li xna'aj li cha, eb' li xna'aj kanteel, eb' li lekleb', eb' li pulaat ut chixjunil li k'a'aq re ru yiib'anb'il rik'in oor ut plaat na'uxk wi' mayejak.

Esdras 5:16

Jo'kan naq kik'ulunk laj Sesbasar ut kixk'e li rub'elankil li rochoch li Yos arin Jerusalén. Ut chalen toj anaqwan yo xkab'lankil, ab'an maji' nayaalo'k».

Hechos 13:12

Naq laj Sergio Pawlo kiril li kik'ulmank, kixpaab', sachso xch'ool rik'in li xk'utum li Qaawa'.

Hageo 2:21

“Aatina laj Sorobabel, aj jolominel re Judá, chi jo'ka'in: «Ok we chi xchiq'chiq'inkil sa' xna'aj li choxach'och'.

Hageo 2:2

“Anaqwan aatinan rik'in laj Sorobabel, ralal laj Salatiel, aj jolominel re Judá, jo'wi' rik'in laj Josué, ralal laj Josadak, li xyuwa'il laj tij, ut rik'ineb' chixjunil li tenamit. Ut ye reheb' chi jo'ka'in:

Hageo 1:14

Chi jo'kan li Qaawa' kixwaklesi xch'ool laj Sorobabel, ralal laj Salatiel, aj jolominel re Judá, ut laj Josué, ralal laj Josadak, xyuwa'il laj tij, jo'wi' kixk'e xkawub' xch'ool chixjunileb' li tenamit. Sa' li kaahib' xka'k'aal xb'e li xwaq po naq ak wiib' chihab' rokik chi awab'ejink laj Darío, chixjunileb' ke'xtikib' xyiib'ankil wi' chik li rochoch li Qaawa', li xYoseb' nim xwankil.

Hageo 1:1

Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

2 Crónicas 36:18

Chixjunil li k'a'aq re ru li nak'anjelak sa' rochoch li Yos, jo' kok' jo' ninq, chixjunil li xsahil eechej li Qaawa' ut li k'aru nak'anjelak re li awab'ej ut reheb' laj k'anjel chiru, kik'ame'k Babilonia.

2 Crónicas 36:7

Laj Nabukodonosor kixxok ajwi' li k'aru re li rochoch li Qaawa', kixk'am sa' li tenamit Babilonia ut koxk'e sa' rochoch li xyos.

Esdras 5:15

Laj Siro kixtaqla ajwi' laj Sesbasar chi xxokb'aleb' li k'anjelob'aal a'an re naq tixq'ajsiheb' re li rochoch li Yos arin Jerusalén; ut kixchaq'rab'i ajwi' naq chikab'lamanq wi' chik li rochoch li Qaawa' sa' ajwi' li na'ajej kiwank wi' junxil.