Esdras 4:23 - Q'eqchi Bible

²³ Naq ke'ril xsa' li hu tz'iib'anb'il xb'aan laj Artajerjes li awab'ej, laj Rejún, laj Sinsay aj tz'iib' ut eb' li rochb'eeneb' ke'elk chi junpaat re xik Jerusalén ut ke'xmin ruheb' laj Judiiy chi xkanab'ankil li k'anjel li ke'xtikib' xb'aanunkil.

Li Santil hu

²³ Nak queꞌril xsaꞌ li hu li quixtakla li rey Artajerjes, laj Rehum, ut laj Simsai laj tzꞌi̱b, joꞌqueb ajcuiꞌ li rochben, saꞌ junpa̱t queꞌco̱eb Jerusalén. Queꞌxye reheb laj judío chi pue̱rs ut chi yo̱ xjoskꞌileb nak tento teꞌxcanab li cꞌanjel li queꞌxtiquib xba̱nunquil.

Esdras 4:23 ပူးပေါင်းရင်းမြစ်များ

Romanos 3:15

Li roqeb' neke'seeb'o'k chi xik chi kamsink;

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Proverbios 4:16

Xb'aan naq eb' a'an ink'a' neke'ruuk chi wark, wi ink'a' xe'b'aanunk maa'usilal; ut ink'a' nakub'eek xwaraheb', wi ink'a' xe'xrahob'tesi junaq xb'enwa.

Esdras 4:17

Toja' naq li awab'ej Artajerjes kixtz'iib'a reeqaj li xhuheb' ut kixye reheb' chi jo'ka'in: “Nintaqla xsahil xch'ool laj Rejún aj jolominel, laj Sinsay aj tz'iib' ut chixjunileb' li rochb'eeneb' li wankeb' Samaria ut sa' chixjunil li na'ajej sa' xjayal rokeb'l saq'e re li nima' Éwfrates.

Esdras 4:7

Chiru xyu'amil laj Artajerjes, awab'ej re Persia, laj Bislam, laj Mitrídates, laj Tabel ut eb' li rochb'een ke'xtz'iib'a xhu laj Artajerjes. Ke'xtz'iib'a li hu sa' aatinob'aal arameo, jo' neke'aatinak eb' a'an.

Esdras 4:22

Yalomaq eeq'e chi k'anjelak chi us. Mare anchal taanumtaaq li ink'a' us sa' qab'een laa'o li awab'ej”.

Esdras 4:24

Jo'kan naq kikanab'aak xkab'lankil li rochoch li Yos aran Jerusalén, ut kixaqliik li k'anjel toj sa' li xkab' chihab' rokik laj Darío cho'q awab'ej re Persia.