Esdras 4:17 - Q'eqchi Bible

¹⁷ Toja' naq li awab'ej Artajerjes kixtz'iib'a reeqaj li xhuheb' ut kixye reheb' chi jo'ka'in: “Nintaqla xsahil xch'ool laj Rejún aj jolominel, laj Sinsay aj tz'iib' ut chixjunileb' li rochb'eeneb' li wankeb' Samaria ut sa' chixjunil li na'ajej sa' xjayal rokeb'l saq'e re li nima' Éwfrates.

Li Santil hu

¹⁷ Ut li rey quixsume lix huheb ut quixye reheb: —Yo̱quin chixtzꞌi̱banquil li hu aꞌin re laj Rehum li capitán ut re ajcuiꞌ laj Simsai laj tzꞌi̱b, ut reheb ajcuiꞌ li rochbeneb li cuanqueb Samaria. Reheb ajcuiꞌ chixjunileb li cuanqueb aran jun pacꞌal li nimaꞌ. Nintakla xsahil e̱chꞌo̱l. Chicua̱nk taxak e̱riqꞌuin li tuktu̱quil usilal.

Esdras 4:17 ပူးပေါင်းရင်းမြစ်များ

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Hechos 23:26

“Laa'in aj Klawdio Lisias nintaqla xsahil aach'ool, at xnimal ru ruuchil li awab'ej.

San Lucas 10:5

Sa' li kab'l toxex'okaq wi', cheye xb'enwa: «Chiwanq taxaq tuqtuukil usilal sa' li kab'l a'in».

Esdras 7:12

“Laj Artajerjes, xnimal ru awab'ej, naxtaqla naab'al xsahil xch'ool laj Esdras, aj tij ut aj k'utul re li xChaq'rab' li xYos li choxa.

Esdras 5:7

Jo'ka'in ke'xye sa' li hu: “At awab'ej Darío, naqataqla naab'al xsahil aach'ool.

Esdras 4:7

Chiru xyu'amil laj Artajerjes, awab'ej re Persia, laj Bislam, laj Mitrídates, laj Tabel ut eb' li rochb'een ke'xtz'iib'a xhu laj Artajerjes. Ke'xtz'iib'a li hu sa' aatinob'aal arameo, jo' neke'aatinak eb' a'an.

Esdras 4:16

At awab'ej, laa'o naqak'e chanaw a'in: wi te'xyiib' wi' chik li tenamit a'an ut te'xwaklesi li xsuttz'akil, chi seeb' maak'a'aq chik aach'och' arin junpak'al li nima' Éwfrates”.

Esdras 4:18

Li hu xetaqla chaq ak xyaab'asimank xsa' chiwu laa'in.

Daniel 4:1

A'an a'in li esil kixtaqla laj Nabukodonosor, li awab'ej, reheb' chixjunil li poyanam ut tenamit li wankatqeb' sa' ruuchich'och', a' yaal chanru li raatinob'aaleb': Chiwanq taxaq tuqtuukil usilal chi numtajenaq sa' eeyanq chejunilex.

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.