Esdras 4:12 - Q'eqchi Bible

¹² “Naqak'e chanaw naq eb' laj Judiiy taqlanb'ileb' chaq aab'aan sa' li na'ajej wanko wi' ke'wulak Jerusalén ut yookeb' chi xwaklesinkil wi' chik li tenamit a'an yib'ru xna'leb' ut aj q'etol aatin. Ak xe'xk'e li rub'elankil ut yookeb' chi xwaklesinkil li xsuttz'akil.

Li Santil hu

¹² Chanauhak taxak at rey, nak eb laj judío li queꞌel chak saꞌ li tenamit cuancat cuiꞌ, queꞌcꞌulun arin Jerusalén. Yo̱queb cuiꞌchic chixyi̱banquil li tenamit aꞌin laj kꞌetol a̱tin li incꞌaꞌ useb xnaꞌleb. Yo̱queb chixyi̱banquil li cimiento ut li tzꞌac.

Esdras 4:12 ပူးပေါင်းရင်းမြစ်များ

Esdras 5:9

Xqapatz' reheb' laj k'amol xb'eheb' laj Judiiy ani xyehok reheb' naq te'xkab'la li ochoch a'an ut te'xwaklesi li tz'ak.

Esdras 5:3

Sa'eb' li kutan a'an laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, laj Setar-Bosnay ut eb' li rochb'een ke'chalk rik'ineb' ut ke'xpatz' reheb': “Ani xyehok eere naq teekab'la li ochoch a'in ut teewaklesi eb' li tz'ak a'in?

2 Crónicas 36:13

Laj Sedesías ajwi' kixq'etq'eti rib' chiru laj Nabukodonosor, awab'ej re Babilonia, ut ink'a' chik ki'okenk chirix, us ta ak xyehom li raatin sa' jurament; kixkawub'resi b'an li xch'ool, kixjipu rib' ut ink'a' kisutq'iik rik'in li Qaawa', xYos laj Israel.

1 Ts 5:22

Chekolaq eerib' chiru chixjunil li k'a'aq re ru chi maa'usilal.

Hechos 24:5

Xqataw li winq a'in, q'axal yib'ru xna'leb': a'an aj yoob'anel raaxiik' sa' xyanqeb' laj Judiiy sa' chixjunil li ruuchich'och' ut aj k'amol xb'eheb' li xkomoneb' laj Nazaret.

San Lucas 13:34

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.

Jeremías 52:3

Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

Nehemías 1:3

Kine'xchaq'b'e: “Eb' li ink'a' koheb' chi preexil ut ke'kanaak sa' xteepal Judá, wankeb' anaqwan sa' rajb'al ru ut naab'al li rahilal yookeb' xk'ulb'al. Juk'inb'il li tz'ak sutsu wi' Jerusalén, ut k'atb'il li xtz'apb'al rokeb'aal li tenamit”, chankeb'.

Esdras 4:19

Xintaqla xtz'ilinkil rix ut xtawmank naq relik chi yaal li tenamit a'an chalen chaq junxil naxq'etq'eti rib' chiruheb' li awab'ej ut naxyoob' poqoqij ib' ut mululij ib'.

Esdras 4:15

re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

2 Reyes 24:1

Sa'eb' li kutan naq laj Johakín wank chi awab'ejil, laj Nabukodonosor, awab'ej re Babilonia, koho chi yalok rik'in, ut laj Johakín kiwank oxib' chihab' rub'el xwankil laj Nabukodonosor. Chirix chik a'an kixq'etq'eti rib' chiru.

2 Reyes 18:20

Ma nakak'oxla naq li aatinak chi chaab'il a'an jwal us chiru li na'leb'ak ut li kawilal sa' xhonalil li yalok? Ani nakak'ojob' wi' laach'ool naq nakaq'etq'eti aawib' chiwu?

Esdras 4:11

“At awab'ej Artajerjes, laa'o aj k'anjel chawu li wanko arin junpak'al li nima' Éwfrates naqataqla xsahil aach'ool.

Ester 3:8

Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Daniel 3:8

Ab'anan wankeb' aj Kaldeha koheb' chi xjitb'aleb' laj Judiiy

Nehemías 6:6

b'arwi' tz'iib'anb'il chi jo'ka'in: “X'ab'imank xyeeb'al sa' xyanqeb' li tenamit naq laa'at ut eb' laj Judiiy yookex xwaklesinkil li suttz'ak jo'wi' xk'uub'ankil risinkil eerib' rub'el xwankil li awab'ej. Taawaj ajwi' xxaqab'ankil aawib' cho'q awab'ej. Ut laj Kesen xye naq yaal chixjunil a'in.