Esdras 3:8 - Q'eqchi Bible

⁸ Naq ak wiib' chihab' chik xwulajikeb' sa' rochoch li Yos aran Jerusalén, sa' xkab' li po, ke'xtikib' k'anjelak laj Sorobabel, ralal laj Sehaltiel, ut laj Josué, ralal laj Josadak, rochb'eeneb' li ras riitz'ineb', eb' laj tij, eb' laj Leví ut jo'k'ihaleb' li ke'sutq'iik Jerusalén. Wankeb' aj Leví aj junmay chihab' ut li ak numenaq ke'xaqab'aak chi xjolominkil li xk'anjelankil li rochoch li Qaawa'.

Li Santil hu

⁸ Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

Esdras 3:8 ပူးပေါင်းရင်းမြစ်များ

Esdras 4:3

Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

1 Crónicas 23:4

Sa' xyanqeb' a'an kaahib' xka'k'aal mil (24,000) ke'xaqab'aak re xyiib'ankil li rochoch li Qaawa'; o'laju o'q'ob' (6,000) te'taqlanq ut te'raqoq aatin;

Números 4:3

chalen laj lajeeb' xka'k'aal toj lajeeb' roxk'aal chihab', chixjunileb' li yo'ooneb' chi k'anjelak sa' li Loq'laj Na'ajej.

Esdras 3:2

Toja' naq laj Josué, ralal laj Josadak, rochb'eeneb' laj tij jo'wi' laj Sorobabel, ralal laj Sehaltiel, ut eb' li rech'alal, ke'ok chi xyiib'ankil li x'artal li xYos laj Israel, re te'xmayeja li k'atb'il yeechi'om, jo' tz'iib'anb'il sa' li xChaq'rab' laj Moisés, li xtaql li Yos.

Esdras 5:16

Jo'kan naq kik'ulunk laj Sesbasar ut kixk'e li rub'elankil li rochoch li Yos arin Jerusalén. Ut chalen toj anaqwan yo xkab'lankil, ab'an maji' nayaalo'k».

Zacarías 4:9

“Laj Sorobabel xk'ojob'ank re li rub'elankil li ochoch a'in, ut a'an ajwi' taachoyoq xb'aanunkil. Chi jo'kan teenaw naq li Nimajwal Yos xtaqlank chaq we eerik'in.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

1 Crónicas 3:17

Eb' li ralal xk'ajol laj Jekonías, a' li isinb'il sa' li xch'och', a'aneb' a'in: laj Salatiel li asb'ej,

Esdras 2:2

Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

Esdras 4:24

Jo'kan naq kikanab'aak xkab'lankil li rochoch li Yos aran Jerusalén, ut kixaqliik li k'anjel toj sa' li xkab' chihab' rokik laj Darío cho'q awab'ej re Persia.

Esdras 5:2

Toja' naq laj Sorobabel, ralal laj Sehaltiel, ut laj Josué, ralal laj Josadak, ke'xkawu xch'ooleb' chi k'anjelak re xwaklesinkil li rochoch li Yos aran Jerusalén; ut eb' li xpropeet li Yos wankeb' rik'ineb', yookeb' chi xtenq'ankileb'.

Esdras 10:18

Sa' xyanqeb' laj tij a'aneb' a'in li xk'ab'a' li sumsuukeb' rik'in jun li ixq aj ab'l tenamit. Sa' xyanqeb' li ralal laj Josué, ralal laj Josadak, ut sa' xyanqeb' li rech'alal: laj Mahasías, laj Elieser, laj Jarib ut laj Kodolías.

Hageo 1:1

Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij.