Esdras 3:6 - Q'eqchi Bible

⁶ Chalen sa' li xb'een kutan re li xwuq li po ke'xtikib' xyeechi'inkil li k'atb'il mayej re li Qaawa', us ta toj maji' na'ub'elamank li rochoch li Yos.

Li Santil hu

⁶ Saꞌ li xbe̱n cutan re li xcuuk li po queꞌxtiquib xmayejanquil li cꞌatbil xul re xlokꞌoninquil li Ka̱cuaꞌ, usta toj ma̱jiꞌ nequeꞌxyi̱b li cimiento re lix templo li Ka̱cuaꞌ.

Esdras 3:6 ပူးပေါင်းရင်းမြစ်များ

Esdras 3:5

Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.

Esdras 3:7

Ke'xk'e xtumineb' laj sik'ol pek ut eb' laj peech'. Ke'k'ehe'k ajwi' xwa ruk'a' ut x'aseeyt eb' laj Sidón ut eb' laj Tiro, re naq chiru palaw te'xtaqla chaq Jope li chaab'il yaw re Líbano, jo' kiyehe'k reheb' xb'aan laj Siro, awab'ej re Persia.

Levítico 23:24

“Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

Levítico 23:25

Tento teek'at junaq eemayej sa' xk'ab'a' li Qaawa' ut maajun junaq kawil k'anjel teeb'aanu”.

Números 29:1

“Sa' xtiklajik li xwuq po teeb'aanu leeloq'laj ch'utam ut maajun taak'anjelaq. Li kutan a'an, a'anaq jun kutan naq teeyaab'asi li tronpeet.

Números 29:2

Teeyeechi'i jun eek'atb'il mayej li sununk xb'ook chiru li Qaawa': jun saaj wakax, jun chib'aat ut wuqub' chi karneer, aj junq chihab' ut maak'a'aq reek'eb'.