Esdras 3:12 - Q'eqchi Bible

¹² Naab'aleb' laj tij, laj Leví ut xjolomileb' junkab'al li ak tiixeb' xb'aan naq ak rilomeb' chaq li xb'een rochoch li Yos junxil, anaqwan japjookeb' re chi yaab'ak naq yookeb' chi rilb'al chanru yo chi ok li rub'elankil li x'ak' ochoch li Qaawa'. Ab'anan wankeb' ajwi' li japjookeb' re xb'aan xsahil xch'ooleb'.

Li Santil hu

¹² Nabaleb laj levita xcomoneb laj tij, ut eb li ac ti̱xeb li nequeꞌjolomin reheb li junju̱nk cabaleb, yo̱queb chi ya̱bac chi cau xya̱b xcuxeb nak queꞌril nak yo̱ chi oc li cimiento re lix templo li Dios xban nak quinak saꞌ xchꞌo̱leb li templo li quicuan junxil. Ut nabaleb chic yo̱queb chixjapbal reheb xban xsahil xchꞌo̱leb.

Esdras 3:12 ပူးပေါင်းရင်းမြစ်များ

Hageo 2:3

«Ani sa' eeyanq ki'ilok re li xb'een xloq'al li ochoch a'in? Ut chan chik ru na'ilmank anaqwan? Pe' yaal naq chanchan naq maak'a' chik xloq'al ut xch'ina'usal jo' junxil?

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Isaías 60:22

Eb' a'in jun ch'ina ch'uuteb' chi tenamit, ab'an te'pukanq chi k'iila o'q'ob'; ut sa' jun ch'ina teep taa'elq jun nimla tenamit q'axal kaw rib'. Laa'in li Qaawa' tinb'aanu chixjunil a'in chi junpaat naq taawulaq xq'ehil”, chan li Yos re li tenamit Jerusalén.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Salmos 126:6

Naq yo chi xik laj k'alom, k'ajo' naq nayaab'ak, yo xhirb'al li xloq'laj iyaj; ut naq taasutq'iiq chaq, sahaq chik sa' xch'ool chi xk'amb'al chaq li xq'olom!

Li xHu LAJ JOB 8:7

Li xb'een aab'ihomal maak'a' chik na'ok wi' chiru li b'ihomal chalk re.

Esdras 3:13

Ink'a' nak'utunk aniheb' li neke'b'ichank xb'aan xsahil xch'ooleb' ut aniheb' neke'yaab'ak, xb'aan naq chajchookeb' re chixjunileb' ut li xyaab' xkuxeb' na'ab'imank toj chi nait.

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Salmos 147:1

Aleluya! Chenimaaq xk'ab'a' li Qaawa' xb'aan naq q'axal us xb'ichankil; cheloq'oni ru li qaYos xb'aan naq xk'ulub' naq taak'ehe'q xloq'al.