Esdras 3:1 - Q'eqchi Bible

¹ Sa' xwuq li po, naq eb' laj Israel wankeb' chik sa' li xtenamiteb', ke'xch'utub' rib' aran Jerusalén chi junajeb' xch'ool junajeb' xk'a'uxl.

Li Santil hu

¹ Saꞌ xcuuk li po, ac cuanqueb li ralal xcꞌajol laj Israel saꞌ eb li cocꞌ tenamit li cuanqueb nachꞌ riqꞌuin Jerusalén. Queꞌchꞌutla chixjunileb li tenamit aran Jerusalén.

Esdras 3:1 ပူးပေါင်းရင်းမြစ်များ

1 Corintios 1:10

Ex was wiitz'in, nintz'aama cheru sa' xk'ab'a' li Qaawa' Jesukriist naq junajaq ru leeraatin, maak'a'aq li jachok ib' sa' eeyanq, wanqex b'an sa' junajil rik'in leek'a'uxl ut leena'leb'.

Hechos 4:32

Li xk'ihaleb' laj paab'anel junajeb' li xch'ool, junajeb' li raanm naq wankeb' chirib'ileb' rib'. Maa'ani naxye naq re li k'aru wank re, chixjunil b'an komon e cho'q reheb'.

Levítico 23:24

“Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

Sofonías 3:9

“Naq taawulaq li kutan a'an, tink'e naq eb' li poyanam chaab'il aatin chik te'xye, re naq chixjunileb' te'xyaab'a xk'ab'a' li Qaawa' ut te'k'anjelaq chiru chi junajaq xch'ooleb'.

Nehemías 8:14

Ut ke'xtaw chi tz'iib'anb'il naq li Qaawa' kixye re laj Moisés naq eb' laj Israel tento te'wanq sa' kok' muheb'aal naq te'ninq'ehiq sa' xwuq li po.

Nehemías 7:73

“Eb' laj tij, eb' laj Leví, eb' laj ilol rokeb'aal li rochoch li Yos, eb' laj b'ichanel, eb' laj k'anjel sa' rochoch li Yos ut chixjunileb' chik aj Israel koxe'na'ajunq sa' li xtenamiteb', ak xtenamit xtenamit li junjunq”.

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

Nehemías 8:1

Sa' xwuq li po chixjunil li tenamit ke'xch'utub' rib' sa' junajil sa' li neb'aal li wank chire li Okeb'aal reheb' laj b'eelahom ha', ut ke'xye re laj Esdras laj tz'iib' naq tixk'am chaq xhuhil li xChaq'rab' laj Moisés li xk'ehom li Yos re te'xpaab' eb' laj Israel.

Deuteronomio 16:16

“Oxib' sut sa' li jun chihab' chixjunileb' li winq te'xk'ut chaq rib' chiru li Qaawa' laaYos, sa' li na'ajej sik'b'il ru xb'aan: sa' xninq'e li Wa ink'a' yuub'il, sa' xninq'eheb' li Xamaan ut sa' xninq'eheb' li Muheb'aal. Maajun toxk'ut rib' chiru li Qaawa' chi maak'a' wanq sa' ruq';

Nehemías 7:72

Ut chixjunil li tenamit ke'xk'e kab'laju xwaqxaqlajuk'aal (352) liib'r chi oor, junmay xwuq o'q'ob' (2,420) liib'r chi plaat ut wuqub' xkaak'aal (67) raq'eb' laj tij.