Esdras 10:2 - Q'eqchi Bible

² Ut laj Sekanías, ralal laj Jehiel, xkomoneb' laj Elam, kixye re laj Esdras: “Xqaq'etq'eti qib' chiru li qaYos naq xoosumlaje'k rik'ineb' li ixq jalan xtenamiteb', xe'qak'am sa' xyanqeb' li wankeb' arin sa' li qana'aj. Ab'anan toj wank royb'enihom laj Israel.

Li Santil hu

² Ut laj Secanías li ralal laj Jehiel xcomoneb laj Elam quia̱tinac ut quixye re laj Esdras: —La̱o xoma̱cob chiru li kaDios xban nak xosumla riqꞌuineb li ixk li jalan xtenamiteb. Abanan toj naru teꞌcolekꞌ laj Israel.

Esdras 10:2 ပူးပေါင်းရင်းမြစ်များ

Nehemías 13:27

Ink'a' naqaj rab'inkil cherix laa'ex naq yooqex xq'etq'etinkil eerib' chiru li qaYos rik'in xsik'b'al eerixaqil sa' xyanqeb' li jalaneb' xtenamit”, chankin reheb'.

Esdras 9:2

Xe'sumlaak rik'ineb' li xrab'in li tenamit a'an, ut jo'kan ajwi' xe'xb'aanu eb' li ralal. Li xtenamit li Yos xe'xmux rib' rik'ineb' li jalaneb' xtenamit. Ut eb' laj k'amol b'e jo'wi' eb' laj jolominel, a'aneb' xb'een chi q'etok aatin”, chankeb'.

Éxodo 34:12

“Maak'e aawib' sa' sumwank rik'ineb' li wankeb' sa' li na'ajej toxat-okaq wi', re naq ink'a' tate'xra'le.

Santiago 2:9

Ab'an wi sa nekeril li jun ut li jun chik ink'a', yookex chi maakob'k, ut raqb'il aatin cherix xb'aan li Chaq'rab', xb'aan naq xexq'etok chaq'rab'.

Nehemías 3:29

Chirixeb' a'an kitz'akab'k laj Sadok, ralal laj Imer, sa' xka'yab'aal li rochoch, ut sa' xtiqam a'an kitz'akab'k laj Semaías, ralal laj Sekanías, laj k'aak'alenel re li okeb'aal sa' releb'l saq'e.

Esdras 10:26

Sa' xyanqeb' li ralal laj Elam: laj Matanías, laj Sakarías, laj Jehiel, laj Abdí, laj Jeremot ut laj Elías.

Nehemías 7:34

li xk'ihaleb' laj Elam jun chik, a'an kaalaju roxk'aal xka o'q'ob' (1,254) chi winq;

Nehemías 7:12

li xk'ihaleb' laj Elam, a'an kaalaju roxk'aal xka o'q'ob' (1,254) chi winq;

Esdras 2:31

li xk'ihaleb' laj Elam jun chik, a'an kaalaju roxk'aal xka o'q'ob' (1,254) chi winq;

Esdras 2:7

li xk'ihaleb' laj Elam, a'an kaalaju roxk'aal xka o'q'ob' (1,254) chi winq;

Esdras 8:7

sa' xyanqeb' li ralal laj Elam: laj Isaías, ralal laj Atalías, ut lajeeb' xkaak'aal (70) chi winq rochb'een;

Esdras 9:1

Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.