Esdras 10:19 - Q'eqchi Bible

¹⁹ Eb' a'in ke'xye li raatineb' rik'in jurament naq te'xchaq'rab'iheb li rixaqileb', ut ke'xyeechi'i jun chib'aat cho'q xmayejeb' chirix li xmaakeb'.

Li Santil hu

¹⁹ Ut queꞌxqꞌue li rukꞌ chi ribileb rib re xcꞌutbal nak teꞌxba̱nu li cꞌaꞌru queꞌxye. Ut queꞌxye chi tzꞌakal nak teꞌxcanab li rixakil ut teꞌxmayeja jun li carner re xtzꞌa̱manquil xcuybal xma̱queb.

Esdras 10:19 ပူးပေါင်းရင်းမြစ်များ

Levítico 6:6

Li xmayej chiru li Qaawa' a'anaq jun karneer li maak'a' reek' li tixsik' sa' xyanq li xketomq (ut li xtz'aq laa'at tento tatb'iroq rix). Tento tixchap chaq ut tixk'am chiru laj tij jo' mayej re xtojb'al rix li xmaak.

2 Reyes 10:15

Naq laj Jehú ki'elk sa' li na'ajej a'an, kixk'ul sa' b'e laj Jonadab, ralal laj Rekab, li yo chi xik chi xk'ulb'al. Laj Jehú kixk'e xsahil xch'ool ut kixye re: “Ma tiik laach'ool chiwix jo' naq laa'in tiik linch'ool chawix?”. Kichaq'ok laj Jonadab: “Hehe', tiik linch'ool chawix!”, chan re. “Wi jo'kan, k'e laawuq' we”, chan laj Jehú. Laj Jonadab kixk'e li ruq' ut kixtaqsi rik'in sa' li xb'eleb'aal ch'iich'.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

Lamentaciones 5:6

Naqapatz' qawa quk'a' re Ejiipt ut Asiria, a'eb' li xik' neke'ilok qe.

2 Crónicas 30:8

Anaqwan meejipi eerib' jo' ke'xb'aanu leena' leeyuwa'; q'axtesihomaq b'an eerib' chiru li Qaawa' ut kimqex sa' li xLoq'laj Muheb'aal li santob'resinb'il xb'aan chi junajwa. K'anjelanqex chiru li Qaawa' leeYos, ut taanajto'q eerik'in li xnimal xjosq'il.

1 Crónicas 29:24

Chixjunileb' laj jolominel ut li kaweb' xch'ool chi yalok, rochb'eeneb' chixjunileb' li ralal xk'ajol laj David li awab'ej, ke'xk'e xloq'al laj Salomón li awab'ej.

Levítico 6:4

li poyanam a'an wanq xmaak. Jo'kan naq tento tixq'ajsi li k'aru relq'ahom malaj li xmaq'ahom sa' josq'il, malaj ut li k'aru k'eeb'il chixk'uula, malaj ut li k'a'aq re ru kixtaw,

Esdras 10:20

Sa' xyanqeb' li ralal laj Imer: laj Jananí ut laj Sebadías.