Esdras 10:10 - Q'eqchi Bible

¹⁰ Toja' naq laj Esdras laj tij kixaqliik ut kixye reheb': “Xexmaakob'k xb'aan naq xexsumlaak rik'ineb' li ixq aj ab'l tenamiteb'. Chi jo'kan kitamk xmaakeb' laj Israel.

Li Santil hu

¹⁰ Qui-oc chi a̱tinac laj Esdras laj tij ut quixye reheb: —La̱ex xexma̱cob xban nak xecꞌam chokꞌ e̱rixakil li ixk jalan xtenamiteb. Joꞌcan nak xnumta le̱ ma̱c la̱ex aj Israel.

Esdras 10:10 ပူးပေါင်းရင်းမြစ်များ

San Mateo 23:32

Chenujob'resi b'i' li xb'isleb' leena' leeyuwa'!

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

2 Crónicas 28:13

ut ke'xye reheb': “Meeroksiheb' chaq arin laj preex a'in, xb'aan naq a'an tixteneb' jun chik li maak sa' qab'een chiru li Qaawa'. Li k'aru yookex laa'ex, a'an xk'eeb'al xkomon qamaak ut qaraaxiik'. Ak jwal nim li qamaak, ut li Qaawa' yo xjosq'il sa' xb'eeneb' laj Israel”.

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Esdras 10:9

Jo'kan naq chixjunileb' laj Judá ut eb' laj Benjamín ke'ch'utlaak Jerusalén sa' xkutankil, sa' li junmay xb'e li xb'ele po. Chixjunileb' li tenamit ke'xch'utub' rib' chi xneb'aalil li rochoch li Yos: k'ajo' neke'siksotk xb'aan li na'leb' a'an jo'wi' xb'aan li kawil hab' kichalk sa' xb'eeneb'.

Esdras 10:11

Chexooto leemaak anaqwan chiru li Qaawa', xYos leena' leeyuwa', paab'omaq li rajom ut jek'ihomaq eerib' rik'ineb' li maak'a'eb' xpaab'aal jo'wi' rik'ineb' li ixq aj ab'l tenamit”, chan.

Esdras 9:14

ma truuq tab'i' too'ok wi' chik chi xq'etb'al laachaq'rab' ut xlaq'ab'ankil qib' rik'ineb' li poyanam a'in li neke'xb'aanu li maa'usilal? Ma ink'a' raj tchalq laajosq'il sa' qab'een ut toohaasach chi maajun junaq taakole'q?