Esdras 10:1 - Q'eqchi Bible

¹ Wiq'wo laj Esdras chiru rochoch li Yos, yo chi yaab'ak, chi tijok ut chi xxootoninkil li xmaak. Toja' naq jun tuub'eb' aj Israel, jo' winq, ixq ut kok'al, ke'xch'utub' rib' chi xsutam, k'ajo'eb' chi yaab'ak.

Li Santil hu

¹ Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

Esdras 10:1 ပူးပေါင်းရင်းမြစ်များ

Daniel 9:20

“Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

Romanos 9:2

K'ajo' xrahil linch'ool, junelik namayok li waanm.

1 Reyes 8:30

Chawab'i li xtij laj k'anjel chawu ut li xtz'aamahomeb' laatenamit Israel naq te'tijoq arin. Choohaawab'i sa' laana'aj, toj sa' li choxa; choohaawab'i ut chakuy qamaak.

San Lucas 19:41

Naq kinach'ok li Jesus rik'in Jerusalén ut kiril li tenamit, kiyaab'ak chirix ut kixye:

Nehemías 8:9

Toja' naq chixjunil li tenamit ke'ok chi yaab'ak naq ke'rab'i li aatin li wank sa' li Chaq'rab'. Ut laj Nehemías laj taqlanel sa' xb'een li tenamit, laj Esdras laj tij ut laj tz'iib', ut eb' laj Leví li yookeb' chi ch'olob'ank chiru chixjunileb' li tenamit, ke'xye: “Li kutan a'in jwal loq' ut q'axtesinb'il cho'q re li Qaawa' leeYos. Miraho'k leech'ool ut mexyaab'ak”, chankeb'.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Nehemías 10:28

Eb' li junch'ol chik chi poyanam, a'eb' laj tij ut eb' laj Leví, eb' li neke'k'aak'alenk re li okeb'aal, eb' laj b'ichanel, eb' laj k'anjel sa' rochoch li Yos, jo'keb' ajwi' chixjunileb' li ke'risi rib' sa' xyanqeb' laj ab'l tenamit re xpaab'ankil xChaq'rab' li Yos, rochb'eeneb' li rixaqileb', li ralal xk'ajoleb' ut chixjunileb' li ak neke'xnaw k'oxlak,

2 Crónicas 20:9

«Wi taachalq junaq rahilal sa' qab'een, malaj xtojb'al rix qamaak, malaj yalok, kaqiyajel, malaj ut we'ej, tolqach'utub' qib' arin chiru laawochoch ut chawu laa'at, xb'aan naq arin wank laak'ab'a' sa' li muheb'aal a'in. Tootz'aamanq chawu sa' qarahilal, ut laa'at toohaawab'i ut toohaakol».

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

1 Reyes 9:3

ut kixye re: “Xwab'i laatij ut li k'aru xatz'aama chiwu. Xinsantob'resi li kab'l a'in li xayiib', re naq arin taawanq link'ab'a' chi junajwa. Laa'in tinra ut tin'iloq re chi junelik.

Hechos 21:5

Ab'anan laa'o, naq ke'nume'k eb' li kutan a'an, koo'elk ut kiqachap qab'e. Chixjunileb' ke'ochb'eenink chaq qe toj chirix li tenamit rochb'eeneb' li rixaqil ut eb' li xkok'al. Chire li palaw koowiq'laak ut kootijok.

Hechos 10:30

Kichaq'ok laj Kornelio, ut kixye: —Kohejer, sa' ajwi' li honal a'in, yookin chi tijok sa' wochoch jo' na'uxmank sa' oxib' honal, xaqaamil chiwu jun li winq nalemtz'unk li raq',

2 Crónicas 20:13

Chixjunileb' laj Judá xaqxookeb' chiru li Qaawa', rochb'eeneb' li xkok'al, eb' li rixaqil ut eb' li ralal xk'ajol.

Deuteronomio 31:12

Taach'utub'eb' li tenamit, winq, ixq ut kok'al; jo'kan ajwi' laj ab'l tenamit li wankeb' sa' eeyanq, re naq te'rab'i ut te'xtzol roxloq'inkil li Qaawa' leeYos ut te'xk'e xch'ool chi xk'anjelankil ru chixjunileb' li raatinul li Chaq'rab' a'in.

San Mateo 3:6

Neke'xxooto li xmaakeb', ut laj Jwan naxkub'siheb' xha' sa' li nima' Jordán.

Esdras 10:6

Chirix chik a'an laj Esdras ki'elk sa' rochoch li Yos ut koho sa' xmuheb'aal laj Johanán, ralal laj Eliasib, b'arwi' kixnumsi li q'oqyink chi ink'a' kiwa'ak ki'uk'ak, xb'aan naq q'axal ra sa' xch'ool chirix li maak ke'xb'aanu li ke'sutq'iik chaq.

Nehemías 1:4

Naq kiwab'i a'in, kink'ojlaak ut kin'ok chi yaab'ak. Ut chiru wiib' oxib' kutan q'axal kiraho'k sa' inch'ool, kin'ayuunik ut kintijok chiru li choxahil Yos.

Nehemías 1:6

Nintz'aama chawu naq chawil taxaq xtoq'ob'aal wu ut chawab'i lintij chi q'eq ut chi kutan sa' xk'ab'a'eb' laj Israel aj k'anjeleb' chawu. Yaal naq xoomaakob'k chawu laa'in ut eb' li wech'alal; xoomaakob'k laa'o aj Israel

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Josué 8:35

Maajun junaq aatin re chixjunil li xtaqlahom laj Moisés ink'a' ta kiyaab'asimank chiruheb' chixjunil li xLoq'laj Ch'utameb' laj Israel; k'eeb'ileb' ajwi' sa' ajl eb' li ixq, eb' li kok'al ut eb' laj ab'l tenamit li wankeb' sa' xyanqeb' laj Israel.