Esdras 1:8 - Q'eqchi Bible

⁸ Laj Siro, awab'ej re Persia, kixq'axtesiheb' sa' ruq' laj Mitrídates, laj k'uulanel tumin, ut a'in kirajlaheb' ut koxk'e re laj Sesbasar, aj jolominel re Judá.

Li Santil hu

⁸ Li rey Ciro quixye re laj Mitrídates laj xocol tumin nak ta̱rajlaheb li secꞌ. Nak ac xrajlaheb, quixkꞌaxtesiheb re laj Sesbasar li gobernador re Judá.

Esdras 1:8 ပူးပေါင်းရင်းမြစ်များ

Esdras 5:14

Kixtaqla ajwi' risinkil sa' xna'ajeb' li xyoseb' laj Babilonia chixjunileb' li k'anjelob'aal yiib'anb'ileb' rik'in plaat ut oor li ke'maq'e'k xb'aan laj Nabukodonosor sa' rochoch li Yos arin Jerusalén ut ke'k'ame'k toj Babilonia. Chirix chik a'an ke'q'axtesiik re jun li winq, aj Sesbasar xk'ab'a', li kixaqab'aak cho'q aj jolominel.

Hageo 1:14

Chi jo'kan li Qaawa' kixwaklesi xch'ool laj Sorobabel, ralal laj Salatiel, aj jolominel re Judá, ut laj Josué, ralal laj Josadak, xyuwa'il laj tij, jo'wi' kixk'e xkawub' xch'ool chixjunileb' li tenamit. Sa' li kaahib' xka'k'aal xb'e li xwaq po naq ak wiib' chihab' rokik chi awab'ejink laj Darío, chixjunileb' ke'xtikib' xyiib'ankil wi' chik li rochoch li Qaawa', li xYoseb' nim xwankil.

Hageo 1:1

Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij.

Esdras 5:16

Jo'kan naq kik'ulunk laj Sesbasar ut kixk'e li rub'elankil li rochoch li Yos arin Jerusalén. Ut chalen toj anaqwan yo xkab'lankil, ab'an maji' nayaalo'k».

Esdras 1:11

Chixjunil li k'a' re ru yiib'anb'il rik'in plaat ut oor, a'an a'in: oob' mil rik'in jun o'q'ob' (5,400). Chixjunil a'in kik'ame'k Jerusalén xb'aan laj Sesbasar naq ki'elk Babilonia rochb'eeneb' li wanjenaqeb' aran chi preexil.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Esdras 2:2

Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

Esdras 5:2

Toja' naq laj Sorobabel, ralal laj Sehaltiel, ut laj Josué, ralal laj Josadak, ke'xkawu xch'ooleb' chi k'anjelak re xwaklesinkil li rochoch li Yos aran Jerusalén; ut eb' li xpropeet li Yos wankeb' rik'ineb', yookeb' chi xtenq'ankileb'.