Esdras 1:7 - Q'eqchi Bible

⁷ Laj Siro li awab'ej kixq'axtesi chixjunileb' li k'anjelob'aal re li rochoch li Yos, li ke'elq'aak ut ke'k'ehe'k sa' rochocheb' li jalanil yos xb'aan laj Nabukodonosor.

Li Santil hu

⁷ Ut li rey Ciro quirisi chak li secꞌ li nacꞌanjelac saꞌ li rochoch li Dios, li queꞌelkꞌa̱c ut queꞌqꞌueheꞌ saꞌ rochocheb lix dioseb laj Babilonia xban li rey Nabucodonosor.

Esdras 1:7 ပူးပေါင်းရင်းမြစ်များ

2 Crónicas 36:7

Laj Nabukodonosor kixxok ajwi' li k'aru re li rochoch li Qaawa', kixk'am sa' li tenamit Babilonia ut koxk'e sa' rochoch li xyos.

Esdras 6:5

Eb' li k'anjelob'aal yiib'anb'ileb' rik'in plaat ut oor re li rochoch li Yos, li kirisi laj Nabukodonosor aran Jerusalén ut kixk'am Babilonia, tento te'q'ajsimanq re naq wanq chixjunil sa' xna'aj Jerusalén ut taak'eemanq wi' chik sa' rochoch li Yos»”.

Esdras 5:14

Kixtaqla ajwi' risinkil sa' xna'ajeb' li xyoseb' laj Babilonia chixjunileb' li k'anjelob'aal yiib'anb'ileb' rik'in plaat ut oor li ke'maq'e'k xb'aan laj Nabukodonosor sa' rochoch li Yos arin Jerusalén ut ke'k'ame'k toj Babilonia. Chirix chik a'an ke'q'axtesiik re jun li winq, aj Sesbasar xk'ab'a', li kixaqab'aak cho'q aj jolominel.

2 Reyes 24:13

Chirix chik a'an laj Nabukodonosor kixxok chixjunil li k'a'aq re ru q'axal terto xtz'aq sa' rochoch li Qaawa'; kixk'am ajwi' li terto xtz'aq li wank sa' rochoch li awab'ej ut kixjuk' chixjunil li oor xyiib'ahom laj Salomón, awab'ej re Israel, re xsahob'resinkil ru li rochoch li Qaawa', jo' kiyehe'k chi junxilaj xb'aan li Yos.

2 Crónicas 36:10

Sa' li saq'ehil re li chihab' a'an, laj Nabukodonosor kixtaqla chaq xchapb'al laj Johakín re xk'amb'al Babilonia, rochb'een li k'a'aq re ru q'axal loq' re li rochoch li Qaawa', ut kixxaqab' laj Sedesías, rech'alal laj Johakín, cho'q awab'ej re Judá ut Jerusalén.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

2 Crónicas 36:18

Chixjunil li k'a'aq re ru li nak'anjelak sa' rochoch li Yos, jo' kok' jo' ninq, chixjunil li xsahil eechej li Qaawa' ut li k'aru nak'anjelak re li awab'ej ut reheb' laj k'anjel chiru, kik'ame'k Babilonia.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.