Esdras 1:2 - Q'eqchi Bible

² “Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Li Santil hu

² Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

Esdras 1:2 ပူးပေါင်းရင်းမြစ်များ

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

2 Crónicas 2:12

Ut kixye ajwi' sa' li hu: “Usilaatinanb'il taxaq li Qaawa', xYos laj Israel, aj Winqob'resihom re li choxach'och', xb'aan naq kixk'e re li awab'ej David jun ralal tiik xch'ool, wank xna'leb' ut seeb' xk'a'uxl, li tixyiib' rochoch li Qaawa' ut jun xna'aj li awab'ej!

1 Reyes 8:27

“Ab'anan ma naru tab'i' nawank li Qaawa' sa' ruuchich'och'? Wi li choxa a'an q'axal nim ut ink'a' tz'aqal cho'q aana'aj, ma toja' ta chik li ochoch a'in li xinyiib' cho'q aawe!

Esdras 1:5

Toja' naq li xjolomileb' li junqkab'al aj Judá ut aj Benjamín, eb' laj tij, eb' laj Leví ut jo'k'ihaleb' ke'toch'e'k xch'ool xb'aan li Yos, ke'xchap xb'eheb' re xik Jerusalén chi xkab'lankil li rochoch li Qaawa'.

Esdras 3:7

Ke'xk'e xtumineb' laj sik'ol pek ut eb' laj peech'. Ke'k'ehe'k ajwi' xwa ruk'a' ut x'aseeyt eb' laj Sidón ut eb' laj Tiro, re naq chiru palaw te'xtaqla chaq Jope li chaab'il yaw re Líbano, jo' kiyehe'k reheb' xb'aan laj Siro, awab'ej re Persia.

Esdras 4:3

Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

Salmos 136:26

Chexyoxinq chiru li Qaawa', li xYos li choxa, li xnimal xrahom wank chi junelik!

Isaías 41:2

Ani xwaklesink chaq re li awab'ej a'an sa' releb'l saq'e, li junelik naq'axok u? Ani naq'axtesink re eb' li tenamit sa' ruq' ut naxkub'si xwankileb' li awab'ej? Pojtz' te'kanaaq xb'aan li xq'esnal ch'iich', ut kama'eb' li k'im naq te'cha'cha'iiq xb'aan li xsimaj.

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Isaías 45:1

Jo'ka'in kixye li Qaawa' re laj Siro, sik'b'il ru xb'aan cho'q awab'ej: “Laa'in xatinch'ilo chawuq' re xk'eeb'aleb' li tenamit rub'el laawankil ut re xjuk'b'aleb' xwankil eb' li awab'ej. Laa'in xinte chixjunileb' li okeb'aal ut maajun chik taatz'ape'q chawu.

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.

Jonás 1:9

Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

Esdras 5:15

Laj Siro kixtaqla ajwi' laj Sesbasar chi xxokb'aleb' li k'anjelob'aal a'an re naq tixq'ajsiheb' re li rochoch li Yos arin Jerusalén; ut kixchaq'rab'i ajwi' naq chikab'lamanq wi' chik li rochoch li Qaawa' sa' ajwi' li na'ajej kiwank wi' junxil.

Esdras 6:3

“Sa' li xb'een chihab' rokik cho'q awab'ej laj Siro kixk'e li chaq'rab' a'in chirix li rochoch li Yos re Jerusalén: «Chikab'lamanq li rochoch li Yos ut chik'eemanq li rub'elankil, re naq twanq mayejak aran. Waqlaju moqoj li xteram te'xk'e ut waqlaju moqoj li ru.

Esdras 6:10

re naq te'yeechi'inq sununkil mayej chiru li xYos li choxa ut te'tijoq chirix xyu'am li awab'ej ut eb' li ralal xk'ajol.

Esdras 7:12

“Laj Artajerjes, xnimal ru awab'ej, naxtaqla naab'al xsahil xch'ool laj Esdras, aj tij ut aj k'utul re li xChaq'rab' li xYos li choxa.

Nehemías 1:4

Naq kiwab'i a'in, kink'ojlaak ut kin'ok chi yaab'ak. Ut chiru wiib' oxib' kutan q'axal kiraho'k sa' inch'ool, kin'ayuunik ut kintijok chiru li choxahil Yos.

Nehemías 1:5

Ut kinye re: “At Qaawa', at Eechal re li choxa, laa'at li Nimajwal Yos ut xiwajel aawu! Junelik wank sa' laach'ool li loq'laj sumwank ut laarahom cho'q reheb' li neke'rahok aawe ut neke'xpaab' laachaq'rab'.

Salmos 85:2

At Qaawa', k'ajo' laachaab'ilal rik'in laana'aj! Xak'e wi' chik xkawub' xch'ool laj Jakob.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Daniel 1:21

Ut laj Daniel kikanaak chi k'anjelak aran toj sa' xb'een chihab' chi awab'ejink laj Siro.