Efesios 6:9 - Q'eqchi Bible

⁹ Ex aj eechal k'anjel, jo'kan ajwi' cheb'aanu reheb' leemoos, ut kanab'omaq xxib'enkileb'. Wanq sa' eech'ool naq laa'ex jo' ajwi' eb' a'an wankex rub'el xwankil li Qaawa' li wank sa' choxa, ut A'an juntaq'eet narileb' chixjunil.

Li Santil hu

⁹ Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

Efesios 6:9 ပူးပေါင်းရင်းမြစ်များ

Colosenses 3:25

Chek'e reetal, li nab'aanunk re li ink'a' us, taaq'ajkamuuq jo' chanru xb'aanu, xb'aan naq li Yos juntaq'eet narileb' chixjunil.

Hechos 10:34

Toja' naq laj Pedro ki'ok chi aatinak ut kixye: —Xintaw tz'aqal xyaalal naq li Yos juntaq'eet narileb' chixjunil

Romanos 2:11

Xb'aan naq li Yos juntaq'eet narileb' chixjunil.

San Lucas 6:31

Ut jo' chanru teeraj te'xb'aanu eere eb' li poyanam, jo'kan ajwi' cheb'aanuhaq laa'ex reheb' a'an.

San Mateo 7:12

“Jo'ch'inal jo'nimal li teeraj raj naq te'xb'aanu eere leeras eeriitz'in, cheb'aanuhaq ajwi' laa'ex reheb' a'an, xb'aan naq a'an a'in xyaalal li Chaq'rab' ut eb' li Propeet.

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Santiago 2:8

Us nekeb'aanu wi relik chi yaal nekepaab' li Chaq'rab' nim xwankil jo' naxye li Santil Hu: “Taara laawas aawiitz'in jo' naq nakara aawib' laa'at”.

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

San Juan 13:13

Laa'ex, Tzolonel ut Qaawa' nekeye we, ut yaal nekeye xb'aan naq laa'in ajwi'.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

1 Corintios 7:22

Xb'aan naq wi loq'b'il aj k'anjel wan wi' junaq naq xb'oqe'k xb'aan li Qaawa', a'an ach'ab'anb'il chik xb'aan li Qaawa'. Jo'kan ajwi' ani wank chi ach'ab'anb'il naq xb'oqe'k, a'an aj k'anjel chik chiru li Kriist.

San Mateo 24:51

taarisi ut tixk'e xna'aj sa' xyanqeb' laj ka'pak'al u: aran taawanq li yaab'ak ut li k'uxuxink ruuch e.

San Mateo 24:48

Ab'anan, wi li moosej ink'a' us xna'leb' tixye sa' xch'ool: «Laj eechal we xb'ay chaq»,

San Mateo 22:10

Eb' a moosej a'an ke'elk sa'atqeb' li b'e, ke'xch'utub'eb' li jo'k'ihal ke'xtaw, jun chalikeb' li us jo'wi' li moko useb' ta. Ut kinujak xb'aaneb' li ula' li na'ajej wan wi' li kaxaar.

San Mateo 22:8

Toja' naq kixye reheb' li xmoos: «Ak k'uub'k'u li ninq'e, ab'an eb' li wula' moko xk'ulub'eb' ta chalk.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Daniel 3:6

Li ink'a' tixb'uchub' rib' chiru ch'och' chi xloq'oninkil, sa' junpaat taakutmanq sa' xam li k'ajo' xtiqwal”.

Isaías 47:6

K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Salmos 140:12

Ink'a' chik chixtaw xna'aj laj q'ab'anel sa' ruuchich'och'; a' ta li rahilal chinaq sa' xb'een laj yoob'anel raaxiik', ut a'an chisachoq re.

Nehemías 5:5

Laa'o qakomon qib' rik'ineb' li qech tenamitul, ut juntaq'eet xloq'aleb' li qalal qak'ajol rik'ineb' li ralal xk'ajoleb' a'an. Ab'anan tento tqaq'axtesi eb' li qalal qak'ajol cho'q xmooseb' a'an. Ut wankeb' qarab'in ak xqak'ayeb' cho'q xmooseb' a'an, ut laa'o maak'a' naru tqab'aanu xb'aan naq li qach'och' ut li qawimq jalan aj e”.

1 Samuel 15:17

Toja' naq laj Salomón kixye: “Us ta nakak'oxla naq kach'in laawankil, ab'anan ma ink'a' tab'i' xaqab'anb'ilat cho'q xjolomil chixjunileb' li xteepal laj Israel? Li Qaawa' xyuluk aawe cho'q awab'ej re Israel.

Levítico 19:13

“Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

Colosenses 4:1

Ex aj eechal k'anjel, cheb'aanu li b'arwan tiik ut uxk naraj rik'ineb' laj k'anjel cheru: chiwanq sa' eech'ool naq laa'ex ajwi' wank aj Eechal eere sa' choxa.