Efesios 6:5 - Q'eqchi Bible

⁵ Ex aj loq'b'il k'anjel, chepaab' eb' laj eechal eere sa' ruuchich'och'. Cheroxloq'iheb' sa' xyaalal ut q'unaq leech'ool jo' naq nekepaab' li Kriist:

Li Santil hu

⁵ Ex aj cꞌanjel, chex-abi̱nk chiruheb le̱ patrón arin saꞌ ruchichꞌochꞌ. Chexcꞌanjelak chiruheb chi anchal e̱chꞌo̱l ut saꞌ xya̱lal joꞌ nak nequexcꞌanjelac chiru li Cristo.

Efesios 6:5 ပူးပေါင်းရင်းမြစ်များ

Efesios 5:22

Eb' li ixq che'xpaab' li xb'eelom jo' naq neke'xpaab' li Qaawa',

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

1 Pedro 3:2

rik'in xk'eeb'al reetal li xchaab'ilal leeyu'am, k'ajo'aq xtuulanil leech'ool.

Filemón 1:16

Ut ink'a' chik jo' loq'b'il aj k'anjel, jo' b'an chik li naq'axok ru li loq'b'il aj k'anjel, jo' jun li qiitz'in q'axal raaro. Jo'kan ninra laj Onésimo laa'in. Ma toja' ta chik laa'at sa' xk'ab'a' naq aawiitz'in ut aj paab'anel.

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

Salmos 86:11

Chak'ut taxaq chiwu laab'e, at Qaawa', re naq tinwanq sa' xyaalal; chak'e taxaq naq junes a'in tinsik': xpaab'ankil ut roxloq'inkil laaloq'laj k'ab'a'.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

1 Corintios 7:22

Xb'aan naq wi loq'b'il aj k'anjel wan wi' junaq naq xb'oqe'k xb'aan li Qaawa', a'an ach'ab'anb'il chik xb'aan li Qaawa'. Jo'kan ajwi' ani wank chi ach'ab'anb'il naq xb'oqe'k, a'an aj k'anjel chik chiru li Kriist.

San Mateo 8:9

Xb'aan naq jo'kan ajwi' laa'in wank ani nataqlank we, ut wankeb' aj puub' rub'el inwankil, ut ninye re junaq: «Ayu», ut a'an naxik; ut ninye re li jun chik: «Kim», ut a'an nachalk; ut ninye re linmoos: «B'aanu a'in», ut a'an naxb'aanu.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Génesis 16:9

Ut li x'ánjel li Qaawa' kixye re: “Sutq'in wi' chik rik'in laj eechal aawe ut paab'an chiru”.

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

Salmos 123:2

Jo' laj k'anjel winq kaw na'ilok sa' ruq' laj eechal re, kama' laj k'anjel ixq kaw na'ilok sa' ruq' laj eechal re, jo'kano ajwi' laa'o: kaw li qilob'aal rik'in li Qaawa' li qaYos toj reetal tolril xtoq'ob'aal qu.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.

2 Corintios 7:15

Ut q'axal wi' chik nekexra laj Tito naq najultiko'k re chanru naq chejunilex xepaab' jo'wi' chanru naq xek'ul chi chaab'il ut chi kub'enaq eewankil.

1 Corintios 2:3

Xinwulak sa' eeyanq chi maak'a' inmetz'ew, chi yook inxiw ut ninsiksotk.

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

San Mateo 6:22

“Li xsaqenk li tz'ejwalej a'an li xsa' laawu. Jo'kan utan, wi saqenk ru xsa' laawu, chixjunil laajunxaqalil saqenaq ajwi' ru;

Romanos 9:3

Nawaj raj naq maa'usilanb'ilaqin ta ut jachjooqin raj rik'in li Kriist xb'aan xraab'aleb' li was wiitz'in, eb' li wech tenamitul li wech kik'elil.