Efesios 6:4 - Q'eqchi Bible

⁴ Ex yuwa'b'ej, meeyoob' xjosq'il eb' leeralal eek'ajol, chek'iiresiheb' b'an rik'in xtzolb'aleb' ut xtijb'aleb' jo' naraj li Qaawa'.

Li Santil hu

⁴ Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.

Efesios 6:4 ပူးပေါင်းရင်းမြစ်များ

Colosenses 3:21

Ex yuwa'b'ej, meeyoob' xjosq'il eb' leeralal eek'ajol re naq me'xch'ina xch'ooleb'.

Proverbios 22:6

K'e xna'leb'eb' li kok' poyanam naq toj saajeb'; ut naq toxe'tixq, ink'a' taasachq sa' xch'ooleb'.

Proverbios 29:15

Li rapok chi tz'uum ut li q'usuk nak'ehok na'leb'; ab'an li ink'a' natije'k, naxk'ut xxutaan li xna'.

Proverbios 19:18

Chatij laawalal naq toj naxk'e rib' chi q'use'k; ab'an naq taak'e xlob', chak'e reetal naq ink'a' taakamsi.

Deuteronomio 6:7

Ch'ik sa' xk'a'uxeb' laawalal aak'ajol, seeraq'i reheb' sa' laawochoch jo' ajwi' naq wanqat chiru aab'e, naq yokyooqat malaj naq tatwakliiq.

Proverbios 29:17

Tij laawalal ut sa tatwanq: a'an taak'ehoq xsahil laach'ool.

2 Timoteo 3:15

Jo'kan ajwi' jultikaq aawe naq chalen chaq sa' laakach'inal nakanaw xsa' li Santil Hu. A'an wank xwankil re xk'eeb'al aana'leb' li nak'amok sa' li kolb'a ib' sa' xk'ab'a' xpaab'ankil li Kristo Jesus.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

2 Timoteo 1:5

Xb'aan naq najultiko'k we laatz'aqal paab'aal, li kixe'en xb'enwa sa' xch'ool laawixa'an qana' Loida jo'wi' sa' xch'ool lix Ewnise laana', ut ninnaw naq kixe'en ajwi' aawik'in.

Proverbios 22:15

Ak reheb' li saaj poyanam naq maak'a' xna'leb'eb'; ab'anan li xrapb'aleb' chi tz'uum nab'aanunk naq te'xtaw b'ayaq.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

Isaías 38:19

Li yo'yo, li wank xyu'am, a'an nanimank aawu, jo' naq ninb'aanu laa'in anaqwan. Li yuwa'b'ej naxtzoleb' li ralal xk'ajol chirix li xtiikilal laach'ool.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

1 Crónicas 29:19

Chak'e ajwi' re laj Salomón li walal naq tiikaq li xch'ool, re naq tixpaab' laataqlahom, laachaq'rab' ut laawaatin, ut tixnaw taxaq xk'anjelankil ru chixjunil. Chak'e taxaq naq tixchoy xyiib'ankil laaloq'laj ochoch li ak xinkawresi laa'in”, chan laj David.

Efesios 6:3

re naq sa tatwanq ut taanajto'q roq laayu'am sa' ruuchich'och'”.

Jueces 13:12

Toja' naq laj Manóhaj kixye re: “Naq taatz'aqloq ru laawaatin, k'aru tqab'aanu re li k'uula'al ut chanru naq tqak'iiresi?”, chan.