Efesios 6:13 - Q'eqchi Bible

¹³ Jo'kan utan, chapomaq chixjunil li xk'anjelob'aal li Yos re naq teeram chiruheb' li maa'us aj kutan ut kaw xaqxooqex chi ak xeq'ax ru chixjunil.

Li Santil hu

¹³ Xban nak nocopletic riqꞌuin li ma̱us aj musikꞌej, joꞌcan nak cua̱nk e̱riqꞌuin chixjunil le̱ cꞌanjeleba̱l li qꞌuebil e̱re xban li Dios re nak cauhak e̱rib chixcolbal e̱rib chiru laj tza yalak jokꞌe tixyal e̱ra̱lenquil.

Efesios 6:13 ပူးပေါင်းရင်းမြစ်များ

2 Corintios 10:4

Li ch'iich' nokooyalok wi' moko re ta li ruuchich'och', a'an b'an xwankil li Yos re xjuk'b'al chixjunil li xk'anjel li maa'us. Chi jo'kan yooko chi xpo'b'al li b'alaq'il na'leb'

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

Efesios 5:16

Meekoleb' li kutan a'in xb'aan naq moko useb' ta li yookohatq chi rilb'al.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

Malaquías 3:2

Ab'an ani tawi' kawal wank royb'eninkil li xkutankil li xchalik? Ani tixkuy wank chi xaqam naq tol'elq? Xb'aan naq A'an chanchanaq li raq'xam napuuxiik wi' li oor malaj jo' li poq xab'on re saqob'resink t'ikr.

Eclesiastés 12:1

Chijultiko'q aawe laj Yoob'tesihom aawe anaqwan naq toj saajat ut maji' neke'chalk li ink'a' usil kutan. Chalk re li kutan taaye wi': “Maak'a' xsahil linyu'am”, cha'qat.

Efesios 5:6

Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

Apocalipsis 6:17

Xb'aan naq xtaw xq'ehil li xnimal xkutankil li tojb'amaak, ut ani taaruhanq chi xkuyb'al a'an?”.

Amós 6:3

Laa'ex ink'a' nekeraj xk'oxlankil li xkutankil li rahilal, ab'anan raaxiik' yookex chi xb'oqb'al sa' eeb'een!

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

Santiago 4:7

Jo'kan utan, cheq'axtesi eerib' rub'el roq rub'el ruq' li Yos; kawaqex chiru laj tza, ut a'an taa'eleliq cheru.

1 Pedro 4:1

Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k,