Efesios 6:10 - Q'eqchi Bible

¹⁰ Sa' xraqik, kawub'resiiq leech'ool rik'in li xnimal xwankil li Qaawa'.

Li Santil hu

¹⁰ Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

Efesios 6:10 ပူးပေါင်းရင်းမြစ်များ

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Isaías 40:31

a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

Efesios 1:19

Chenaw ajwi' naq k'ajo' xnumtajenaqil li xwankil qik'in laa'o li nokoopaab'ank, jo' chanru nak'utunk xb'aaneb' li xninqal ru xb'aanuhom li xwankilal.

Efesios 3:16

re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Isaías 40:28

Ma ink'a' nakanaw laa'at? Ma ink'a' aawab'ihom resil? Li Qaawa' a'an li Yos wank chi junelik; A'an kixaqab'ank re li xnub'ajlil li ruuchich'och'. Ink'a' nalub'k chi moko natawaak, ut maajun natz'ilok rix li xseeb'al xk'a'uxl.

2 Timoteo 2:1

At walal, kawaq aach'ool sa' rusilal li Kristo Jesus,

2 Crónicas 15:7

A'ut laa'ex mich'inank eech'ool ut kaw xaqxooqex, xb'aan naq wank xq'ajkamunkil leek'anjel”.

Hageo 2:4

Ab'anan kawu laach'ool, a Sorobabel, chan li Qaawa'; kawu ajwi' laach'ool, a Josué, ralalat laj Josadak, li xyuwa'il laj tij. Ex tenamit sa' ruuchich'och', k'ehomaq eech'ool chi k'anjelak chejunilex, xb'aan naq wankin eerik'in, chan li Nimajwal Yos.

Salmos 138:3

Naq xintz'aama chawu intenq'ankil, xawab'i intij ut q'axal xak'e xkawub' li waanm.

Filipenses 4:8

Sa' xraqik, ex was wiitz'in, chixjunil li yaal, li k'ulub'ej, li tiik, li maak'a' reek', ka'loq' oxloq', chixjunil li chaab'il ut xk'ulub' nimaak ru, a'an chiwanq sa' eech'ool.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!

1 Crónicas 28:10

Chak'e reetal naq li Qaawa' xsik'om aawu re naq taayiib' jun li ochoch li taawanq cho'q xloq'laj na'aj. Kawaq aach'ool ut chayal aaq'e chi k'anjelak!”, chan laj David.

1 Samuel 23:16

Sa' jun kutan laj Jonatán, ralal laj Saúl, kixchap xb'e ut koho wan wi' laj David aran Jorsa re xk'ojob'ankil xch'ool sa' xk'ab'a' li Qaawa'.

Zacarías 8:9

“Jo'ka'in naxye li Nimajwal Yos: Kawaq leech'ool, laa'ex li xex'ab'ink re eb' li aatin a'in rik'ineb' li propeet, chalen naq kik'ojob'aak li rub'elankil li rochoch li Nimajwal Yos.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

Filipenses 3:1

Ex was wiitz'in, chisaho'q sa' eech'ool sa' xk'ab'a' li Qaawa'. Moko ch'a'aj ta cho'q we xtz'iib'ankil wi' chik eerik'in li k'a'aq re ru ak inyehom chaq, ut a'an tixk'e xkawub' leech'ool.

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

1 Juan 2:14

Xintz'iib'ak eerik'in, ex inkok'al, xb'aan naq nekenaw ru li Yuwa'b'ej. Xintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Xintz'iib'ak eerik'in, ex saaj al, xb'aan naq kaw eerib' ut li Raatin li Yos xxe'eni rib' eerik'in ut xeq'ax ru li maa'us.