Efesios 5:6 - Q'eqchi Bible

⁶ Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

Li Santil hu

⁶ Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Efesios 5:6 ပူးပေါင်းရင်းမြစ်များ

Romanos 1:18

Li xjosq'il li Yos yo chaq chi k'utunk toj sa' choxa sa' xb'eeneb' chixjunil li maak ut sa' xb'een chixjunil li xmaa'usilaleb' li tenamit li neke'ramok re li yaal rik'in xmaak'a'il li tiikilal.

San Mateo 24:4

Kichaq'ok li Jesus ut kixye reheb': —Chek'ehaq reetal re naq maa'ani chib'alaq'inq eere.

Colosenses 2:8

Chek'e reetal, maa'ani chira'lenq eere rik'in b'alaq' aj na'leb' li maak'a' rajb'al, yal xyehomeb' li winq, ruuchich'och'il na'leb' ut maawa' li naraj li Kriist.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Colosenses 3:6

Chixjunil a'in nak'amok chaq xjosq'il li Yos sa' xb'eeneb' laj q'etol aatin.

San Marcos 13:5

Ut li Jesus kixtikib' xyeeb'al reheb': “Chek'ehaq reetal re naq maa'ani chib'alaq'inq eere.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.

2 Ts 2:3

Maa'ani chib'alaq'inq eere chi yalaq chan ta ru. Xb'enwa tento taawanq xtz'eqtaanankil li paab'ank; tento taawakliiq chaq li tz'aqal aj maak, li teneb'anb'il li sachk sa' xb'een,

Colosenses 2:4

Ninye a'in eere re naq maa'ani chib'alaq'inq eere rik'in xchaq'alil ru aatin.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

Salmos 78:31

naq k'ajo' kichalk xjosq'il li Yos sa' xb'eeneb': kixkamsiheb' li q'axal kaweb' rib' ut kixsacheb' ru li xsaajilaleb' laj Israel!

Hebreos 3:19

Chi jo'kan naqil naq ink'a' ke'ruhank chi ok xb'aan xmaak'a'il xpaab'aaleb'.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Jeremías 29:31

“Taqla xyeeb'al reheb' chixjunil li wankeb' chaq chi preexil: «Li Qaawa' naxye chi jo'ka'in chirix laj Semaías, aj Nehelam: Laj Semaías xexraatina jo' propeet ut moko laa'in ta xintaqlank re; a'an xk'ojob' ajwi' leech'ool rik'in li tik'ti'.

2 Reyes 18:20

Ma nakak'oxla naq li aatinak chi chaab'il a'an jwal us chiru li na'leb'ak ut li kawilal sa' xhonalil li yalok? Ani nakak'ojob' wi' laach'ool naq nakaq'etq'eti aawib' chiwu?

Jeremías 27:9

“Jo'kan naq meepaab' li neke'xye leepropeet, eb' laj q'e malaj li neke'tawok ru li matk', chi moko chepaab' eb' laj tuul ut eb' li neke'nawalink naq neke'xye eere: «Laa'ex ink'a' texwanq rub'el xwankil li awab'ej re Babilonia».

Jeremías 37:9

Laa'in, li Qaawa', ninye eere naq meek'ojob' leech'ool chi xk'oxlankil naq eb' laj Kaldeha te'eleliq chi junajwa, xb'aan naq moko te'xik ta.

Hebreos 13:9

Chek'e reetal, mexb'alaq'iik xb'aan xk'utomeb' li winq jalan jalanq neke'xye ut najt chalenaqeb'. Jwal us naq tqakawub'resi qach'ool rik'in rusilal li Yos, ut maawa' rik'in tzekemq li maak'a' ki'ok wi' reheb' li ke'paab'ank re.