Efesios 5:27 - Q'eqchi Bible

²⁷ re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

Li Santil hu

²⁷ Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

Efesios 5:27 ပူးပေါင်းရင်းမြစ်များ

Colosenses 1:22

A'ut anaqwan li Yos xexk'am wi' chik sa' rusilal sa' xk'ab'a' li xkamik li xch'och'el sululel li Kriist, re eexaqab'ankil chiru sa' santilal, chi maak'a'aq eemuxul ut eeq'usb'al.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

2 Corintios 4:14

Naqanaw naq li Yos li kiwaklesink re chi yo'yo li Qaawa' Jesus, tooxwaklesi ajwi' laa'o qochb'een li Jesus ut toxooxaqab' chiru qochb'eenaqex laa'ex.

Cantares 4:7

Jwal ch'ina'usat chajunxaqalil, at inrahomat, tz'aqal aawe aawu!

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

2 Pedro 3:14

Jo'kan utan, ex was wiitz'in raarookex inb'aan, naq yookex chi royb'eninkil chixjunil a'in, yalomaq eeq'e re naq tolexxtaw li Qaawa' sa' tuqtuukil usilal rik'in, chi maak'a'aq eemuxul ut eeq'usb'al.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.

1 Ts 5:23

A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.

Salmos 45:13

Te'chalje'q eb' laj Tiro chi xk'eeb'al laasimaatan; te'xsik' laawusilal eb' li q'axal b'ihom sa' xyanqeb' li tenamit.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Isaías 62:3

Jo'kaqat ch'ina'usil koroon sa' ruq' li Qaawa', jo'kaqat xmatq'ab' li awab'ej chi ru'uj ruq' laaYos.

Salmos 87:3

Chaab'il aawesil nayeemank yalaq b'ar, at xtenamit li Yos:

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.