Efesios 5:20 - Q'eqchi Bible

²⁰ Sa' xk'ab'a' li Qaawa' Jesukriist chexyoxinq junelik chiru li Yos Yuwa'b'ej rik'in chixjunil.

Li Santil hu

²⁰ Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo riqꞌuin chixjunil li cꞌaꞌru nequecꞌul.

Efesios 5:20 ပူးပေါင်းရင်းမြစ်များ

Colosenses 3:17

ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.

1 Ts 5:18

Chexyoxinq chirix jo'ch'inal jo'nimal li nekek'ul, xb'aan naq a'an a'in li naraj li Yos naq teeb'aanu, sa' xk'ab'a' li Kristo Jesus.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Filipenses 4:6

Maak'a' k'a'aq re ru chi'ok wi' eek'a'uxl, junelik b'an cheq'axtesi sa' roq ruq' li Yos leepatz'om rik'in tijok ut tz'aamank, jo'wi' rik'in yoxink.

Efesios 5:4

Jo'kan ajwi' li tz'ajb'eetalil na'leb', li seeraq' maak'a' na'ok wi' ut li xiikil ch'uch'ib'k: eb' a k'a'aq re ru a'in moko us ta. Li tento xb'aanunkil, a'an li yoxink.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Salmos 34:1

Xsaalm laj David. Kixb'icha naq ki'elk chiru laj Abimélek, yo chaq chi xpak'b'al rib' jo' kaan ru.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Isaías 63:7

Nawaj xjultikankil li ruxtaan li Qaawa' ut xb'ichankil li xnimal xloq'al, sa' xk'ab'a' jo'nimal li kixb'aanu qe, xb'aan li xrahom sa' xb'eeneb' li ralal xk'ajol laj Israel, li kixk'utb'esi rik'in ruxtaanankil qu ut qusilankil xb'aan li xnimal xchaab'ilal li xch'ool.

Li xHu LAJ JOB 1:21

ut kixye: “Chi t'ust'u xin'elk chaq rik'in linna' ut kama'an ajwi' naq tinsutq'iiq aran. Li Qaawa' xk'ehok ut li Qaawa' xmaq'ok chiwu. Usilaatinanb'il taxaq xk'ab'a' li Qaawa'!”.

1 Corintios 1:4

Junelik ninyoxink chiru li Yos cherix laa'ex xb'aan li rusilal li Yos k'eeb'il eere sa' xk'ab'a' li Kristo Jesus,

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

Filipenses 1:3

Ninyoxink chiru linYos rajlal naq nekexjultiko'k we,

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

1 Ts 3:9

Ut chan tawi' ru tooyoxinq chiru li Yos cherix laa'ex rik'in chixjunil li xsahil qach'ool naqeek'a chiru li qaYos sa' eek'ab'a'?

Romanos 1:8

Xb'een xb'een ninyoxink chiru linYos sa' xk'ab'a' li Jesukriist cherix chejunilex xb'aan naq chaab'il resilal leepaab'aal sa' chixjunil li ruuchich'och'.

1 Corintios 15:24

Chirix chik a'an aka' li roso'jik li ruuchich'och' naq li Kriist tixq'axtesi li x'awab'ejihom sa' ruq' li Yos Yuwa'b'ej, naq akaq xjuk'i chixjunil li wankilal, taqlank ut awab'ejilal.