Efesios 5:19 - Q'eqchi Bible

¹⁹ Naq wanqex chi ch'utch'u, yehomaq saalm, himno ut loq'laj b'ich; chexb'ichanq ut chexwajb'aq chiru li Qaawa' chi anchal eech'ool.

Li Santil hu

¹⁹ Cheserakꞌi chi ribil e̱rib lix lokꞌal li Dios, ut te̱ye li salmos ut texbicha̱nk re xlokꞌoninquil li Ka̱cuaꞌ. Chexbicha̱nk ut chelokꞌoni li Ka̱cuaꞌ chi anchal e̱chꞌo̱l.

Efesios 5:19 ပူးပေါင်းရင်းမြစ်များ

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

1 Corintios 14:26

Ex was wiitz'in, a'an a'in li nawaj xyeeb'al eere: naq teech'utub' eerib', li junjunq truuq tixb'icha junaq saalm; truuq ajwi' taak'ehoq na'leb', tixye li k'aru xk'utb'esiik chiru, taa'aatinaq sa' jalanil aatin malaj tixch'olob' xyaalal eb' li aatin a'in. Ab'anan tento naq chixjunil taa'uxmanq re xkab'lankil li komonil.

Salmos 95:2

Choojiloq chi xk'atq rik'in b'anyoxink ut choob'ichanq re xloq'oninkil ru.

Hechos 16:25

Tuqtu q'oqyink laj Pablo ut laj Silas yookeb' chi tijok ut chi b'ichank re xloq'oninkil li Yos, ut eb' li wankeb' sa' tz'alam yookeb' chi ab'ink.

Salmos 147:7

Chexb'ichanq chiru li Qaawa' re xk'eeb'al xloq'al, ch'e'omaq li aarp cho'q re li qaYos!

Santiago 5:13

Wi wank junaq ra wank sa' eeyanq, chitijoq. Wi wank junaq sa sa' xch'ool, chib'ichanq rik'in saalm.

Salmos 62:8

Rik'in li Yos nintaw linkolb'al ut linloq'al: a'an linsaqoonak ut linmuheelahom.

Isaías 65:14

eb' laj k'anjel chiwu te'b'ichanq chi sa sa' xch'ooleb', ut laa'ex teejap eere chi yaab'ak ut chi q'oqonk, chi k'ajo'aq xmay ut xyot'ik leeraanm.

Salmos 86:12

At Qaawa', at inYos, ninyoxink chawu chi anchal linch'ool ut junelik tink'e xloq'al laak'ab'a',

San Mateo 26:30

Naq ak ke'xb'icha eb' li loq'laj b'ich, koheb' sa' xb'een li tzuul Olivos.

San Mateo 15:8

«Li tenamit a'in rik'in xtz'uumal reheb' nikine'roxloq'i, a'ut li xch'ooleb' najt wank wik'in.

1 Corintios 14:15

K'a' put ru tento tinb'aanu? Tento tintijoq rik'in linmusiq', ab'an tento tintijoq ajwi' rik'in link'a'uxl. Tento tinb'ichanq rik'in linmusiq', ab'an tinb'ichanq ajwi' rik'in link'a'uxl.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;