Efesios 5:18 - Q'eqchi Bible

¹⁸ Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

Li Santil hu

¹⁸ Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

Efesios 5:18 ပူးပေါင်းရင်းမြစ်များ

Proverbios 20:1

Li ha' li nakaltesink napo'ok na'leb'; li nakalaak nakaano'k ru ut nasachk xna'leb': maajoq'e tixtaw xchaab'il na'leb'.

Romanos 13:13

Wanqo sa' xyaalal jo' sa' kutan saqenk, chi maak'a'aq numwa'ak ut kalaak, chi moko ko'b'eetak yumb'eetak ut yib' aj na'leb', chi maak'a'aq raaxiik' ut kaqalink.

San Lucas 1:15

xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

Isaías 5:22

Ra chaalel sa' eeb'een li kaw eerib' chi kalaak, ut maajun naq'axok eeru chi xyiib'ankil li ha' nakaltesink.

1 Corintios 5:11

Ink'a'! Li xintz'iib'a a'an a'in: Meejunaji eerib' rik'ineb' li “qas qiitz'in” neke'xk'ab'a'in, ut a'aneb' aj ko'b'eet, aj rahinel ru b'ihomal, aj loq'oninel li yal k'oxlanb'il yos, aj majewanel, aj kalajenaq malaj aj elq'. Chi moko chexwa'aq rik'ineb' a'an!

Hechos 11:24

xb'aan naq laj Bernabé chaab'il winq, nujenaq chi Santil Musiq'ej ut tz'aqal aj paab'anel. Ut naab'al li tenamit ke'xq'axtesi rib' re li Qaawa'.

1 Ts 5:7

Xb'aan naq eb' li neke'wark, chi q'eq neke'wark; ut eb' li neke'kalaak, chi q'eq neke'kalaak.

San Lucas 12:45

Ab'anan, wi li moosej a'an tixye sa' xch'ool: «Laj eechal we xb'ay chaq», ut taa'ok chi xsak'b'aleb' li rech moosil winq ut ixq, taa'ok chi wa'ak, chi uk'ak ut chi kalaak,

San Lucas 11:13

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik li choxahil Yuwa'b'ej ink'a' tixk'e li Santil Musiq'ej reheb' li te'xtz'aama chiru!”.

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

Tito 1:6

Maak'a'aq xq'usb'al li ani taaxaqab', jun sut ajwi' sumsuuq, aj paab'anelaqeb' li ralal xk'ajol ut maak'a'aq xjitb'aleb' chirix wank chi jo'maajo', chi moko aj q'etol aatinaqeb'.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

Isaías 55:1

“Chejunilex li nachaqik eere, kimqex chi uk'ak ha'. Us ta maak'a' eetumin, kimqex ut tzekanqex chi maatan; uk'umaq b'iin ut xya'al xtu' wakax, chi ink'a' teetoj.

Deuteronomio 21:20

ut te'xye reheb': «Li qalal qak'ajol a'in ink'a' napaab'ank ut ink'a' nokoorab'i; a'an aj sub'ul kutan ut aj kalajenaq», cha'qeb'.

1 Corintios 11:21

xb'aan naq li junjunq naxseeb'a rib' chi xtzekankil li xwa; ut wan taatz'okaaq wan taakalaaq.

Cantares 1:4

K'amin chawix, aanilaqo! Chinaawoksi sa' laawarib'aal, at in'awab'ej, re toosaho'q ut tooninq'ehiq qakab'ichal, ut q'axal chik tqayal xsahil laarahom chiru li b'iin! Jo'kan pe' naq raarookat!

Génesis 9:21

Kiruk' xb'iin, kikalaak ut kikanaak chi t'ust'u sa' xyi li xmuheb'aal.

San Mateo 23:25

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: nekech'aj rix li sek' ut li pulaat, a'ut li xsa' nujenaq chi elq' ut maa'usilal!

Isaías 25:6

Sa' li tzuul Sión li Nimajwal Yos tixyeechi'i jun ninq'e cho'q re chixjunileb' li tenamit; tixk'uub' sahil tzekemq rik'in najter b'iin ut tixk'e chaab'il tib' ut sununkil b'iin.

Salmos 69:12

naq nink'e saak chiwix xb'aan rahil ch'oolej, eetz'ub'aal chik ninkanaak wi' chiruheb'.

San Mateo 24:49

ut taa'ok chi xsak'b'aleb' li rech moosil, taawa'aq ut taa'uk'aq rochb'eenaqeb' laj kalajenaq,

Cantares 7:9

Sa' laawe chanchan li b'iin jwal chaab'il li tiik naxik wan wi' linrahom, ut naxt'aqresi li xtz'uumal qe li nokooxiiqank chi wark.

Levítico 10:9

“Naq laa'at malaj eb' laawalal tex'ok sa' li Loq'laj Muheb'aal, ink'a' tex'uk'uq b'iin chi moko ha' nakaltesink. Mare wachik texkamq. A'an jun chaq'rab' li wank xwankil chi junelik, li tento teepaab' laa'ex ut eb' leeralal eek'ajol toj chaalel.

San Juan 2:10

ut kixye re: —Chixjunil li poyanam xb'enwa neke'xk'e li chaab'il b'iin ut, naq ak xe'k'ojlaak xch'ool, aka' chik li ink'a' chaab'il. A'ut laa'at xak'uula li chaab'il b'iin toj anaqwan.