Efesios 5:16 - Q'eqchi Bible

¹⁶ Meekoleb' li kutan a'in xb'aan naq moko useb' ta li yookohatq chi rilb'al.

Li Santil hu

¹⁶ Me̱numsi li cutan chi ma̱cꞌaꞌ xya̱lal. Cheba̱nu ban li us nak ta̱ru̱k te̱ba̱nu xban nak chꞌaꞌaj li cua̱nc saꞌ eb li cutan aꞌin.

Efesios 5:16 ပူးပေါင်းရင်းမြစ်များ

Colosenses 4:5

Chiwanq eena'leb' sa' xyanqeb' li maawa'eb' kristiyan, ut meekoleb' li kutan a'in.

Amós 5:13

Jo'kan naq ani wank xna'leb' ink'a' na'aatinak anaqwan, xb'aan naq moko chaab'ileb' ta li kutan a'in.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Efesios 6:13

Jo'kan utan, chapomaq chixjunil li xk'anjelob'aal li Yos re naq teeram chiruheb' li maa'us aj kutan ut kaw xaqxooqex chi ak xeq'ax ru chixjunil.

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

Eclesiastés 12:1

Chijultiko'q aawe laj Yoob'tesihom aawe anaqwan naq toj saajat ut maji' neke'chalk li ink'a' usil kutan. Chalk re li kutan taaye wi': “Maak'a' xsahil linyu'am”, cha'qat.

Romanos 13:11

Chiqab'aanu chixjunil a'in xb'aan naq naqanaw chi us k'a' chi honalil wanko wi': ak xq'ehil naq tex'ajq sa' leewara xb'aan naq li qakolb'al anaqwan nach' chik wank chiru naq xoo'ok chi paab'ank.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

1 Corintios 7:26

Laa'in nink'oxla naq us raj taakanaaq li winq chi jo'kan, sa' xk'ab'a' xch'a'ajkilal li kutan wanko wi'.

Salmos 37:19

Moko ra ta te'xk'ul sa' xq'ehil li rahilal; ut naq taawanq we'ej, numtajenaqaq li xtzekemqeb'.

Efesios 6:15

Chiwanq leexaab' cheroq re naq yo'oon wanqex chi xpuktesinkil li xchaab'il esil li tuqtuukilal;

Eclesiastés 11:2

Chawotz li k'aru wank aawe rik'in wuqub' malaj waqxaqib' laawamiiw, xb'aan naq ink'a' nakanaw jo'q'e taachalq rahilal sa' xb'een li tenamit.

Génesis 29:7

Toja' naq kixye laj Jakob: “Toj kutan chi us; maji' xhonalil xch'utub'ankileb' li ketomq. K'ehomaqeb' wank chik uk'ak ut ayuqex chi xk'eeb'aleb' chi ichajib'k”.

Daniel 2:8

Tikto li awab'ej kixye reheb': “Xink'e reetal naq yookex chi royb'eninkil naq taanume'q li kutan, xb'aan naq nekenaw li ak k'uub'k'u inb'aan.

San Mateo 25:17

Jo'kan ajwi' li kik'uluk wiib' mil, kireechani wiib' mil chik sa' xb'een.