Efesios 4:32 - Q'eqchi Bible

³² Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

Li Santil hu

³² Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Efesios 4:32 ပူးပေါင်းရင်းမြစ်များ

San Marcos 11:25

Ut naq xaqxooqex chi tijok, wi wank eech'a'ajkilal chiru anihaq, chekuy xmaak, re naq leechoxahil Yuwa' tixkuy tixsach ajwi' eemaak laa'ex.

2 Corintios 2:10

Ut li teekuy xmaak laa'ex, tinkuy ajwi' xmaak laa'in. Xb'aan naq, wi wank junaq xinkuy xmaak laa'in, eeraab'al laa'ex naq xinb'aanu, sa' xk'ab'a' li Kriist,

Efesios 5:1

Chek'am eere rik'in li Yos jo'qex li ralal xk'ajol raarookex xb'aan,

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

San Lucas 6:37

“Mexraqok aatin, ut ink'a' taaraqmanq aatin sa' eeb'een. Mexk'ehok sa' tojb'amaak, ut ink'a' texk'ehe'q sa' tojb'amaak. Chexkuyuq maak, ut te'kuymanq eemaak.

1 Corintios 13:4

Li rahok wank xkuyum sa' chixjunil; a'an chaab'il. Li rahok ink'a' nakaqalik, ink'a' naxk'e xwankil xjunes, ink'a' naxq'etq'eti rib',

San Lucas 17:4

Wi taamaakob'q chawu wuqub' sut chiru li jun kutan ut wuqub' sut taasutq'iiq chaq aawik'in chi xyeeb'al: «Nayot'e'k inch'ool», chakuyaq xmaak”.

San Mateo 6:12

ut chakuy chasach ta li qamaak jo' laa'o xqakuyeb' xmaak li xe'maakob'k chiqu.

Salmos 145:9

Jwal chaab'il li Qaawa' rik'in chixjunileb'; nim li ruxtaan sa' xb'eeneb' chixjunil li xyoob'tesihom.

1 Juan 2:12

Nintz'iib'ak eerik'in, ex inkok'al, xb'aan naq kuyb'il sachb'il chik leemaak sa' xk'ab'a' li Jesus.

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

2 Corintios 2:7

jo'kan naq q'axal us raj naq anaqwan teekuy xmaak ut teek'ojob' xch'ool: mare anchal chinumtaaq sa' xb'een li xnimal xrahil xch'ool.

Santiago 5:11

“Us xaq reheb' li ke'kuyuk rahilal rik'in xkawub' xch'ooleb'”, chanko. Eerab'ihom resil li xnimal xkuyum laj Job; ut nekenaw ajwi' k'aru kixk'ul rik'in li Qaawa' sa' xraqik, xb'aan naq li Qaawa' a'an aj toq'ob'anel u ut aj uxtaan.

2 Corintios 6:6

Naqak'ut ajwi' a'an rik'in xsaqal ru li qach'ool, rik'in qachaab'il k'a'uxl, xnimal qakuyum, usilal, rik'in Santil Musiq'ej ut rik'in tz'aqal rahok,

San Lucas 11:4

ut chakuy chasach li qamaak, xb'aan naq laa'o ajwi' naqakuyeb' xmaak chixjunileb' li neke'maakob'k chiqu. Ut moohaakanab' chi t'ane'k sa' li aaleek».

San Lucas 1:78

Rik'in xnimal ruxtaan li qaYos toloorula'ani jun saqenk chaalel toj taqe'q,

Isaías 57:1

Nakamk li winq tiik ru xyu'am ut maajun nak'oxlak chirix a'an. Neke'kamk li winq useb' xch'ool, ab'an maajun naxtaw xyaalal naq sa' li xkamikeb' neke'ach'ab'aak chiru chixjunileb' li raaxiik'

Proverbios 19:22

Li nasik'mank re junaq winq, a'an li xtiikilal xch'ool, xb'aan naq jwal us li neb'a' winq chiru laj b'alaq'.

Proverbios 12:10

Li tiik xch'ool naxnaw xch'oolaninkileb' li xketomq, ut li ink'a' us xna'leb' ink'a' naxnaw uxtaanank.

Salmos 112:9

Nasihink chi yo'oon reheb' li neb'a', ut li xchaab'ilal xch'ool wank chi junelik. Tixtaqsi li rilob'aal chi wanq xloq'al.

Li xHu LIX RUT 2:20

Toja' naq lix Nohemí kixye re li ralib': —Usilaatinanb'il taxaq li Qaawa' li junelik naxk'ut li xchaab'ilal rik'ineb' li yo'yookeb' ut kamenaqeb'. Li winq a'an qakomon: sa' xb'een a'an wank qatenq'ankil.

2 Pedro 1:7

li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

Hechos 28:2

Eb' laj aran koohe'xk'ul chi saheb' sa' xch'ool, ke'xtz'ab' jun li xam ut koohe'xch'utub' chiqajunilo chi q'ixink, xb'aan naq yo li hab' ut ke ru li kutan.

2 Samuel 7:21

“Xab'aanu chixjunileb' li sachb'ach'oolej a'in, jo' xaye ut xwulak chawu, re naq laa'in teb'innaw.

Proverbios 19:11

Li wank xk'a'uxl naxkuy li xjosq'il; ut naxtaw xloq'al wi ink'a' naxk'e sa' xch'ool li hob'e'k.

Jeremías 38:12

“K'eheb' li t'ikr a'an sa' laatel, re naq ink'a' tatxk'at li k'aam”, chankeb' re. Jo'ka'in kixb'aanu laj Jeremías.