Efesios 4:30 - Q'eqchi Bible

³⁰ Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

Li Santil hu

³⁰ Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Efesios 4:30 ပူးပေါင်းရင်းမြစ်များ

1 Ts 5:19

Meechup li Musiq'ej.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

Romanos 8:11

Ut wi wank eerik'in li xMusiq' li Yos li kiwaklesink re chi yo'yo li Jesus sa' xyanqeb' li kamenaq, a' ajwi' li kiwaklesink re li Kriist chi yo'yo taak'ehoq xyu'am leech'och'el leesululel sa' xk'ab'a' li xMusiq' wank eerik'in.

San Marcos 3:5

Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

Isaías 43:24

Ink'a' xatintaqla chi loq'ok sununkil b'an re ta xamayeja chiwu, ut ink'a' xak'ojob' inch'ool rik'in xxeeb'ul laaxul. Laa'at b'an xattawasink we rik'ineb' laak'iila maak ut xinaach'i'ch'i'i xb'aan laamaa'usilal.

Salmos 78:40

K'ajo' naq ke'xq'etq'eti rib' sa' li chaqich'och', q'axal ke'xpo' xch'ool sa' li junesal na'ajej a'an.

Génesis 6:3

Toja' naq kixye li Qaawa': “Ink'a' chik taawanq chi junajwa linmusiq' rik'ineb' li winq xb'aan naq yal tib'elejeb'. Ka'ajaq aj chik waqk'aal (120) chihab' li xyu'ameb'”.

Isaías 7:13

Toja' naq laj Isaías kixye: “Ab'ihomaq, ex ralal xk'ajol laj David: ma ink'a' tz'aqal cho'q eere xch'i'ch'i'inkileb' li poyanam, naq teeraj ajwi' xch'i'ch'i'inkil li Qaawa' linYos?

Ezequiel 16:43

Laa'at ink'a' kijultiko'k aawe laasaajilal, kayoob' b'an injosq'il rik'in chixjunil laamaa'usilal; jo'kan naq laa'in tinteneb' li rahilal sa' aab'een xb'aan laayehom laab'aanuhom -chan li Qaawa'-.

Salmos 95:10

Chiru ka'k'aal chihab' ke'xpo' linch'ool eb' li tenamit a'an, ut kinye: «Li tenamit a'in q'axal b'ach'b'ach'eb', ink'a' neke'raj xtaaqenkil linb'e».

Hebreos 3:10

Jo'kan naq kipo'k inch'ool sa' xb'een li tenamit a'an ut kinye: «Junelik sachsookeb' sa' li xyu'ameb', ink'a' ke'xtaw ru li waatin».

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Hebreos 3:17

Ut aniheb' sa' aj b'een kijosq'o'k li Yos chiru ka'k'aal chihab'? Ma ink'a' tab'i' sa' xb'eeneb' li ke'maakob'k? Jo'kan naq ke'kanaak chi oso'k sa' li chaqich'och'.

1 Corintios 15:54

Ut naq li qach'och'el sululel taatiqib'aaq rik'in jun yu'amej li ink'a' naq'aak, ut li winq yal re kamk taatiqib'aaq rik'in jun yu'amej li ink'a' nalajk na'oso'k, aran taatz'aqloq ru li aatin tz'iib'anb'il sa' li Santil Hu: “Xsache'k xwankil li kamk chi junajwa.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

San Lucas 21:28

Naq taatiklaaq chixjunil a'in, kawub'resihomaq eech'ool ut chetaqsihaq leejolom, xb'aan naq ak xnach'ok chaq leekolb'al”.

San Juan 3:33

Ani nak'ulub'ank re li xyehom, a'an naxye chi yaal naq paab'ajel li Yos.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?