Efesios 4:29 - Q'eqchi Bible

²⁹ Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.

Li Santil hu

²⁹ Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

Efesios 4:29 ပူးပေါင်းရင်းမြစ်များ

Colosenses 4:6

Junelik chex'aatinaq sa' usilal, chiwanq xyaalal leeraatin re naq teenaw xsumenkil chixjunileb' jo' chanru xk'ulub'.

1 Ts 5:11

Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

Eclesiastés 10:12

Naq na'aatinak li wank xna'leb', sa neke'rab'i chixjunileb'. Ab'an li jip naxsach rib' rik'in li naxye.

Proverbios 15:7

Naq na'aatinak li wank xna'leb', naxpuktesi li xnawom; a'ut li maak'a'eb' xna'leb' moko jo'kan ta neke'xb'aanu.

Proverbios 12:13

Li ink'a' us xna'leb' nat'ane'k sa' li xtik'ti', a'ut li tiik xch'ool nakole'k chiru li rahilal.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

Proverbios 16:21

Li ani naxnaw k'oxlak, “wank xna'leb'” nayeemank re; li aatinak sa' q'unil nak'ojob'ank ch'oolej.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Salmos 52:2

Kitz'iib'aak naq laj Dohek aj Edom koxye resil re laj Saúl naq laj David ki'ok chaq sa' rochoch laj Ajimélek.

Proverbios 15:23

K'ajo' sahilal naq na'uxk aatinak sa' q'unil aatin; ut jwal us wi' chik wi na'uxk sa' xhonalil.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

San Lucas 4:22

Chixjunileb' chaab'il neke'xye chirix, nalaje'sachk xch'ool xb'aan li chaab'il aatin na'elk chi xtz'uumal re, ut neke'xye: —Ma maawa' tab'i' a'in li ralal laj José?

Salmos 5:9

At Qaawa', chinaab'eres rik'in xtiikilal laach'ool, xb'aan naq wankeb' li xik' neke'ilok we; chatuqub' ru linb'e chiwu.

1 Pedro 3:1

Jo'kan ajwi' laa'ex ixaqilb'ej, chepaab'aq leeb'eelom. Chi jo'kan wi wanqeb' li ink'a' neke'paab'ank re li Aatin, te'ok chi paab'ank: ink'a' xb'aan leeraatin laa'ex, sa' xk'ab'a' b'an leeb'aanuhom,

Efesios 4:16

A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.

Efesios 4:12

Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist,

Salmos 71:24

Li ru'uj waq' tixseeraq'i laatiikilal chi junelik, xb'aan naq xe'sache'k xwankil ut xutaanal xe'kanaak chixjunileb' li xe'ajok raj inkamsinkil.

Salmos 45:2

Sa' li waanm na'elk chaq xchaq'alil ru aatin, ok we chi b'ichank cho'q re jun li awab'ej; li ru'uj waq' a'an xtz'iib'leb' li sa' junpaat natz'iib'ak.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

1 Corintios 14:19

ab'an sa' xch'utameb' laj paab'anel nink'oxla naq q'axal us raj naq tinye oob'aq aatin li te'xtaw ru re naq teb'intzol ajwi' li junch'ol, chiru naq tinye lajeeb'aq mil sa' jalanil aatin ut ink'a' te'xtaw ru li ninye.

Romanos 14:19

Chiqak'e b'i' qach'ool chirix li k'aru nak'uub'ank re li tuqtuukilal ut li sumwaklesij ib'.

Romanos 15:2

Li junjunq sa' qayanq chixyalaq xq'e re k'ulub'aak xb'aaneb' li ras riitz'in rik'in xb'aanunkil li us ut re xkab'lankil ru li xyu'am.

San Juan 1:37

Naq ke'rab'i xyeeb'al a'in, eb' li wiib' xtzolom laj Jwan ke'xtaaqe li Jesus.