Efesios 4:26 - Q'eqchi Bible

²⁶ Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

Li Santil hu

²⁶ Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban.

Efesios 4:26 ပူးပေါင်းရင်းမြစ်များ

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Salmos 4:4

Chenawaq naq li Qaawa' nikinxra xb'aan naq tiik linch'ool, li Qaawa' narab'i naq ninyaab'a li xk'ab'a'.

Salmos 37:8

Matpo'k, chakanab' laajosq'il; wi yal ch'inpo'aqat, ra taachalq sa' aab'een:

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Proverbios 19:11

Li wank xk'a'uxl naxkuy li xjosq'il; ut naxtaw xloq'al wi ink'a' naxk'e sa' xch'ool li hob'e'k.

San Mateo 5:22

A'ut laa'in ninye eere: Wi junaq taajosq'o'q rik'in li ras riitz'in, wanq xmaak sa' li raqleb'aal aatin; ut li tixhob' li ras riitz'in, wanq ajwi' xmaak ut taak'ame'q chiruheb' li xninqal ru aj raqol aatin; ut li tixmajewa li xkomon, wanq xmaak re xik sa' xxamlel li xb'alb'a.

San Marcos 3:5

Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

Números 20:24

“Laj Aharón taakamq: toxtaweb' li xna' xyuwa' ut ink'a' taa'ok sa' li ch'och' li xink'e reheb' laj Israel, xb'aan naq ink'a' kepaab' li waatin chire li ha' Meribá.

San Marcos 10:14

Naq li Jesus kiril a'an, kijosq'o'k ut kixye reheb': —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

Proverbios 25:23

Li iq' nachalk chaq sa' releb'l iq' naxk'am chaq li hab'. Jo'kan ajwi' li b'alaq'il aatin nayoob'ank josq'il.

Éxodo 11:8

Toja' naq talaje'chalq wik'in chixjunileb' laj k'anjel a'in, te'xwiq'ib' rib' chiwu ut te'xye: «Elen laa'at aawochb'een chixjunileb' laatenamit». Toja' naq tin'elq”. K'ajo' xjosq'il laj Moisés naq ki'elk rik'in laj Parahón.

Deuteronomio 24:15

Sa' ajwi' li kutan a'an taatoj li xkutan; mimuqunk li saq'e chi toj wanq aak'as, xb'aan naq a'an neb'a' ut naraj ru li xtojb'al re xnumsinkil li kutan. Chi jo'kan ink'a' tatxjit chiru li Qaawa' ut ink'a' ajwi' taawiiqa junaq maak.

Santiago 1:20

Xb'aan naq li josq' aj winq ink'a' naxb'aanu li tiikilal li naraj li Yos.

1 Samuel 20:34

Kixaqliik ut kixkanab' li meex chi k'ajo' xjosq'il, ut ink'a' kiwa'ak sa' li xkab' kutan re li xyo'lajik li po. Jwal ra sa' xch'ool chirix laj David li kimajewaak xb'aan li xyuwa'.