Efesios 4:23 - Q'eqchi Bible

²³ Ak'ob'resinb'ilaq taxaq leek'a'uxl xb'aan li Musiq'ej

Li Santil hu

²³ Ut acꞌobresinbilak taxak le̱ ra̱m ut le̱ cꞌaꞌux.

Efesios 4:23 ပူးပေါင်းရင်းမြစ်များ

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Romanos 8:6

Wi naqataaqe li k'a' re ru naxrahi li tz'ejwalej, a' li kamk toxooraqe'q wi'; ab'an wi naqataaqe li naxrahi li musiq'ej, tqataw li yu'amej ut li tuqtuukil usilal.

Salmos 51:10

Chiwanq sahilal ut ninq'ehik; chiweek'a wi' chik xsahil linch'ool, us ta laa'at xaputz'i linb'aqel.

Colosenses 3:10

ut xetiqib' eerib' rik'in li ak' yu'am: ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere.

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

Ezequiel 36:26

Tink'e eere jun ak' ch'oolej ut ak' musiq'ej; twisi eerik'in li xkawil eejolom ut tink'e eere jun q'unil ch'oolej.

Tito 3:5

a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

Ezequiel 11:19

Tink'e reheb' jun ak' ch'oolej ut jun ak' musiq'ej; twisi li xpekil ch'ooleb' ut tink'e reheb' jun q'unil ch'oolej,

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

Romanos 6:4

Sa' xk'ab'a' li kub'iha' qechmuqik li Kriist sa' li xkamik, re naq kama' li Kriist kiwaklesiik wi' chik chi yo'yo sa' xyanqeb' li kamenaq xb'aan xnimal xwankil li Yuwa'b'ej, jo'kan ajwi' laa'o choowanq sa' ak' yu'am.