Efesios 4:2 - Q'eqchi Bible

² q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok,

Li Santil hu

² Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

Efesios 4:2 ပူးပေါင်းရင်းမြစ်များ

1 Corintios 13:7

Li rahok chixjunil nariiqani, chixjunil naxpaab', chixjunil naroyb'eni, chixjunil naxkuy.

Romanos 15:1

Laa'o li kaw qach'ool sa' li qapaab'aal tento naq tqakuy li xch'inal xpaab'aaleb' li toj q'uneb' xch'ool, ut miqasik' ka'ajwi' li k'aru nawulak chiqu.

San Mateo 11:29

Chek'ulub'a linchaq'rab' nink'e sa' eeb'een ut tzolomaq eerib' wik'in, xb'aan naq tuulanin ut q'un linch'ool, ut sa texwanq.

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

Proverbios 3:34

Li Qaawa' naxse'eb' li neke'xnimob'resi rib', ab'an narusilaheb' li kub'enaqeb' xwankil.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Salmos 138:6

Us ta jwal nim li Qaawa', ab'an naril li maak'a' xwankil ut toj najt naxnaw ru li q'etq'et.

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Gálatas 6:2

Chetenq'a eerib' cherib'il eerib' chi xk'amb'al leeriiq, ut teepaab' chi jo'kan li xchaq'rab' li Kriist.

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Hechos 20:19

Xink'anjelak chiru li Qaawa' chi q'axal kub'enaq inwankil, rik'in xya'al wu ut rik'in li k'iila yale'k xchalk sa' inb'een xb'aan xra'aleb' laj Judiiy.

Proverbios 16:19

Jwal us naq taakub'si aawib' sa' xyanqeb' li neb'a' chiru li b'ihomal sa' xyanqeb' li neke'xnimob'resi rib'eb'.

San Marcos 9:19

Ut li Jesus kixye reheb': —Ex tenamit tik maak'a' eepaab'aal, jo' najtil chik tinwanq eerik'in? Jo' najtil chik texinkuy? K'amomaq chaq arin.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Salmos 45:4

Laa'at li kaw aawib', k'e laach'iich' sa' xk'aamal aasa': a'an reetalil laawankil ut laaloq'al.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.

Eclesiastés 7:8

Q'axal us xchoyb'al junaq k'anjel chiru li yal xtikib'ankil. Ut q'axal us li kuyuk chiru li nimob'resink ib'.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.