Efesios 4:14 - Q'eqchi Bible

¹⁴ Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

Li Santil hu

¹⁴ Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Efesios 4:14 ပူးပေါင်းရင်းမြစ်များ

Hebreos 13:9

Chek'e reetal, mexb'alaq'iik xb'aan xk'utomeb' li winq jalan jalanq neke'xye ut najt chalenaqeb'. Jwal us naq tqakawub'resi qach'ool rik'in rusilal li Yos, ut maawa' rik'in tzekemq li maak'a' ki'ok wi' reheb' li ke'paab'ank re.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Santiago 1:6

Ab'anan chixtz'aamaq rik'in xpaab'aal, chi ink'a' taach'inanq xch'ool, xb'aan naq li ani nawiib'ank xch'ool, a'an chanchan xkaw oq li palaw eek'asinb'il xb'aan li iq' ut nak'ame'k yalaq b'ar.

Efesios 6:11

Tiqib'omaq eerib' rik'in chixjunil li xk'anjelob'aal li Yos re naq xaqxooqex chi kaw chiru leeraalenkil xb'aan laj tza.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

2 Timoteo 4:3

Xb'aan naq taawulaq xq'ehil naq eb' li tenamit ink'a' chik te'raj rab'inkil li chaab'il na'leb' ut, xb'aan xrahinkil li k'aru neke'raj xch'ool, q'esaq xxik chi rab'inkil k'iila na'leb', te'sute'q xb'aan jun tuub' chi aj tzolonel;

San Judas 1:12

Eb' a'in xutaanal ajwi' rilb'aleb' naq wankeb' sa' eeyanq sa' leeloq'laj ninq'e: neke'wa'ak neke'uk'ak sa' eeyanq chi maak'a'eb' xxutaan, yookeb' chi xch'oolaninkileb' rib' xjuneseb'. Jo'keb' li choql li maak'a' hab' chisa', taqen kub'eneb' xb'aan li iq', chanchaneb' li che' maak'a'eb' li ru sa' xq'ehil, ka' wa kamenaqeb', mich'b'il li xxe'eb';

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Gálatas 3:1

Ex aj Galacia maak'a' eena'leb'! Ani xtuulank eere? Chi xnaq' eeru xch'olob'amank xyaalal li Jesukriist k'eeb'il chiru krus!

San Mateo 24:11

Te'waklije'q chaq propeet aj b'alaq' ut xiikileb' li te'b'alaq'iiq xb'aaneb' a'an.

1 Juan 2:26

Xintz'iib'a a'in eerik'in chirixeb' li neke'raj eeb'alaq'inkil.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Isaías 28:9

Neke'aatinak chiwix ut neke'xye: “Ani li winq a'an li nachalk chi xk'eeb'al qana'leb' jo' ajwi' chi xch'olob'ankil chiqu li xyehom li Yos? Ma laa'o tab'i' k'uula'al? Ma toje' tab'i' xqakanab' li tu'uk?

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

San Mateo 11:7

Naq yookeb' chi xik eb' a'an, li Jesus ki'ok chi raatinankileb' li tenamit chirix laj Jwan: “K'aru koxeeril chaq sa' li chaqich'och'? Ma jun li kaxlan'aj na'eek'asiik xb'aan li iq'?

1 Corintios 12:2

Nekenaw chi us naq, jo'q'e maak'a' chaq leepaab'aal, nekek'e eerib' chi k'ame'k yalaq chanru chirixeb' li memil yos.

Hechos 23:21

Ab'anan laa'at maapaab'eb', xb'aan naq numenaq ka'k'aal chi winq sa' xyanqeb' a'an te'raj xra'lenkil: xe'xye rik'in jurament naq ink'a' te'wa'aq te'uk'aq toj reetal te'xkamsi laj Pablo. Ut anaqwan yo'oon wankeb'; ka'ajwi' neke'royb'eni laawaatin.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Salmos 59:3

chinaakol chiruheb' li neke'b'aanunk maa'usilal, chinaawisi sa' ruq'eb' laj kamsineleb' ras riitz'in!

Salmos 10:9

Chanchan li kaqkoj sa' li xjob' naq naxmuq rib' chi oyb'enink; naroyb'eni li toq'ob' ru, re xchapb'al; naxchap ut naxjuku sa' li xra'al.

1 Juan 2:19

Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

Santiago 3:4

Jo'kaneb' ajwi' li jukub': us ta q'axal ninqeb' ut wanqeb' kawil iq' neke'tiikisink reheb', ab'an wank jun li ch'ina ch'iich' nab'eresink reheb', a' yaal b'ar naraj laj ch'e'ol re.

1 Timoteo 3:6

Tento naq laj ilol re xtenamit li Yos ink'a' toj akaq rokik chi paab'ank: mare anchal tixnimob'resi rib' ut taat'ane'q sa' li tojb'amaak kit'ane'k wi' laj tza.

2 Timoteo 1:15

Ak nakanaw naq chixjunileb' laj Asia xine'xkanab' injunes, ut sa' xyanqeb' a'an wankeb' laj Figelo ut laj Hermógenes.

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.