Efesios 4:10 - Q'eqchi Bible

¹⁰ Li kikub'e chaq, a'an ajwi' li kitaqe'k sa' xb'een chixjunil sa' choxa re xnujob'resinkil chixjunil.

Li Santil hu

¹⁰ Quicube saꞌ ruchichꞌochꞌ ut quitakeꞌ ajcuiꞌ toj saꞌ li Santil Choxa re nak ta̱cua̱nk xcuanquil saꞌ xbe̱n chixjunil saꞌ choxa joꞌ ajcuiꞌ saꞌ ruchichꞌochꞌ.

Efesios 4:10 ပူးပေါင်းရင်းမြစ်များ

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Hebreos 4:14

Kawaq b'i' qach'ool chi junelik sa' li qapaab'aal, xb'aan naq wank jun xnimal ru xyuwa'il aj tij li kox'okaq sa' choxa, a' li Jesus, li Ralal li Yos.

Colosenses 2:9

Xb'aan naq rik'in li Kriist wank xtz'aqlojik li Yosilal chi yaal,

Colosenses 1:19

Xb'aan naq ki'alaak sa' xch'ool li Yos naq rik'in a'an chiwanq xtz'aqlojik ru chixjunil.

San Mateo 24:34

Relik chi yaal ninye eere naq ink'a' taanume'q li tenamit a'in chi toj maji'aq talajk'ulmanq chixjunil a'an.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Efesios 3:19

Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

Hechos 1:9

Ut naq kiraqe'k chi xyeeb'al li aatin a'in, kitaqsiik naq eb' a'an yookeb' chi ilok; ut jun li choql kimuquk re chiruheb'.

Hebreos 8:1

A'an a'in li xyi chixjunil li yooko chi xyeeb'al: wank jun qatz'aqal xyuwa'il aj tij kama' li xqach'olob'. A'an koxk'ojlaaq sa' choxa sa' xnim uq' li xk'ojarib'aal li Nimajwal Yos,

Hechos 3:18

Ab'anan li Yos xk'e chi tz'aqlok ru li k'aru kixyeechi'i chaq chi xtz'uumal reheb' chixjunil li propeet, naq li xKriist tixk'ul rahilal.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

Hechos 1:11

ut ke'xye reheb': —Ex aj Galilea, k'a'ut naq xaqxookex arin chi ilok sa' choxa? Li Jesus a'in li xolk'ame'q cheru ut xkoho taqe'q, a'an taak'ulunq wi' chik, jo' naq xeril chi xik sa' choxa.

San Juan 19:36

Chixjunil a'in kik'ulmank re naq chitz'aqloq ru li naxye li Santil Hu: “Ink'a' taatoqmanq junaq xb'aqel”.

San Juan 19:28

Naxnaw li Jesus naq ak xtz'aqlok ru chixjunil; jo'kan naq kixye: —Taachaqiq we. Kixye a'in re naq chitz'aqloq ru li tz'iib'anb'il sa' li Santil Hu.

San Juan 19:24

Jo'kan naq ke'xye chirib'ileb' rib': —Miqajachi, qab'uuliiq b'an rix re rilb'al ani taakanaaq wi'. Chi jo'kan kitz'aqlok ru li tz'iib'anb'il sa' li Santil Hu: “Xe'xjek'i li waq' chirib'ileb' rib', xe'xb'uuli rix lint'ikr”. A'eb' laj puub' ke'b'aanunk re a'an.

San Juan 1:16

Rik'in li xnimal xnujenaqil, xqak'ul qe chiqajunilo: q'axal numtajenaq li rusilal kihoye'k sa' qab'een!

San Lucas 24:44

Chirix chik a'an kixye reheb': —A'aneb' a'in li waatin xinye eere naq toj wankin chaq eerik'in: Tento naq taatz'aqloq ru chixjunil li tz'iib'anb'il chiwix sa' li xChaq'rab' laj Moisés, sa' xHuheb' li Propeet ut sa'eb' li Saalm.

2 Corintios 12:2

Ninnaw ru jun li winq aj paab'anel re li Kriist, kaalaju chihab' anaqwan xsaapuuk toj sa' rox xk'ojaril li choxa (ink'a' ninnaw ma chi yo'yo malaj yal sa' moy u; li Yos nanawok re).