Efesios 3:8 - Q'eqchi Bible

⁸ Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Li Santil hu

⁸ La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Efesios 3:8 ပူးပေါင်းရင်းမြစ်များ

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

1 Corintios 15:9

Xb'aan naq laa'in iitz'inb'ejin chiruheb' chixjunil li apóstol; moko ink'ulub' ta naq tink'ab'a'in apóstol xb'aan naq xik' kiwil li x'Iklees li Yos.

Efesios 3:16

re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'.

Efesios 2:7

re xk'utb'al xnimal li rusilal sa'eb' li kutan chaalel: naq numtajenaq nim li qaraab'al rik'in li Kristo Jesus!

1 Timoteo 2:7

ut a'in aj e naq kinxaqab'aak cho'q aj puktesinel ut apóstol (ninye li yaal, ink'a' nintik'ti'ik), re xk'utb'al li paab'aal ut li yaal chiruheb' li maawa'eb' aj Judiiy.

1 Timoteo 1:13

Ut laa'in aj majewanel naq kinwank chaq junxil, aj rahob'tesinel ut aj hob'onel; ab'an li Yos kiruxtaana wu xb'aan naq xmajelal inna'leb' kinb'aanu wi' a'in, naq toj maji' nin'ok chaq chi paab'ank.

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Romanos 2:4

Malaj ut nakatz'eqtaana li xchamal xsasal li rusilal li Yos, li xnimal xkuyum ut li xq'unal xch'ool? Ma ink'a' nakanaw naq li rusilal li Yos a'in natoch'ok aawe chi xyot'b'al laach'ool ut chi xjalb'al laak'a'uxl?

2 Timoteo 1:11

Sa' li k'anjel a'in xaqab'anb'ilin cho'q aj puktesinel, cho'q apóstol ut aj tzolonel,

Efesios 3:19

Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

1 Corintios 2:9

Ab'anan, jo' naxye li Santil Hu: “Li ink'a' ilb'il ru, li ink'a' ki'ab'iik, chi moko kik'oxlaak sa' xch'ool li winq, a'an li kixkawresi li Yos cho'q reheb' li neke'rahok re”.

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

Filipenses 4:19

Jo'kan naq linYos tixk'e eere chixjunil li aajel ru, jo' chanru li xchamal xsasal li xb'ihomal, sa' xk'ab'a' li Kristo Jesus.

Gálatas 2:8

Xb'aan naq li Yos li kixxaqab' xwankil laj Pedro re k'anjelak cho'q apóstol sa' xyanqeb' li xk'ulumeb' li sirkunsisyon, kinxxaqab' ajwi' laa'in re k'anjelak chiruheb' li maawa'eb' aj Judiiy.

Salmos 31:19

Che'memo'q taxaq eb' laj tik'ti', eb' li neke'hob'ok re li tiik xch'ool rik'in q'etq'etil ut majewank.

Filipenses 2:3

Mik'a' eeb'aanu sa' q'etq'etil chi moko yal re xnimob'resinkil eerib', chekub'siiq b'an eewankil; li junjunq tixk'oxla naq eb' li xkomon q'axal ninqeb' chik xwankil chiru.

Efesios 3:2

Ak xerab'i resil link'anjel k'eeb'il we cho'q eere laa'ex, xb'aan xnimal rusilal li Yos.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

San Juan 1:16

Rik'in li xnimal xnujenaqil, xqak'ul qe chiqajunilo: q'axal numtajenaq li rusilal kihoye'k sa' qab'een!

1 Crónicas 17:16

Toja' naq li awab'ej David ki'ok sa' xMuheb'aal li Qaawa', koxk'ojlaaq aran ut kixye: “At Qaawa', at inYos, anihin laa'in ut k'aru linjunkab'al naq xasi we chixjunil a'in?

Efesios 3:1

Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy.

San Lucas 14:22

Kixye li moosej: «Wa', ak x'uxmank li xataqla xb'aanunkil, ut toj wank na'ajej».