Efesios 3:4 - Q'eqchi Bible

⁴ Rik'in rilb'al xsa' li xintz'iib'a, teetaw xyaalal li k'aru ninnaw chirix li muqmuukil na'leb' a'an, li kitz'aqlok ru rik'in li Kriist.

Li Santil hu

⁴ Nak te̱ril xsaꞌ li hu li xintzꞌi̱ba e̱riqꞌuin, te̱nau nak ninnau chi tzꞌakal lix ya̱lal chirix li Cristo, li mukmu nak quicuan.

Efesios 3:4 ပူးပေါင်းရင်းမြစ်များ

Colosenses 4:3

Chextijoq ajwi' chiqix laa'o re naq li Yos chixte taxaq rokeb'aal li Aatin chiqu, re xpuktesinkil resil li xmuqmuukil na'leb' li Kriist. Sa' xk'ab'a' a'an wankin sa' tz'alam;

1 Corintios 4:1

Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

2 Corintios 11:6

Us ta ink'a' ninnaw aatinak chi chaab'il, ab'an moko jo'kanin ta rik'in linna'leb'; ut a'in junelik xqak'ut cheru rik'in chixjunil ut sa' xyanqeb' chixjunil.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Colosenses 2:2

re naq taak'ojlaaq xch'ooleb', junajaq xk'a'uxeb' sa' li rahok, toxe'xtaw li xnimal b'ihomal wank sa' li nawok yaal chi tz'aqal jo'wi' sa' xtawb'al ru li xmuqmuukil na'leb' li Yos, a'an li Kriist.

Efesios 6:19

jo' ajwi' chiwix laa'in, re naq li Yos tixk'e we li loq'laj Aatin li tento xpuktesinkil ut kawaq inch'ool chi xk'eeb'al chi nawe'k li xmuqmuukil yaalal li Chaab'il Esilal.

Efesios 5:32

K'ajo' xchamal li na'leb' a'in: yookin chi xyeeb'al chirix li Kriist ut li Iklees.

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

1 Timoteo 3:9

k'uulanb'ilaq b'an sa' raanmeb' li qaloq'laj paab'aal li k'utb'esinb'il chiqu, ut saqaq ru xch'ooleb'.

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

Efesios 3:3

Nekenaw naq kik'utb'esiik chiwu li muqmuukil na'leb', jo' chanru li toja' xintz'iib'a b'ayaq eerik'in.

Efesios 3:9

ut xch'olob'ankil chanru naq yo chi tz'aqlok ru li tz'aptz'ookil na'leb' muqmu chalen chaq q'e kutan rik'in li Yos, laj yoob'tesihom re chixjunil.

Colosenses 1:26

a' li tz'aptz'ookil na'leb' muqmu chalen chaq q'e kutan, chalen sa' xtiklajik xteepaleb' li qaxe' qatoon, ut anaqwan xk'utb'esimank chik chiruheb' laj santil paab'anel.