Efesios 3:20 - Q'eqchi Bible

²⁰ Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Li Santil hu

²⁰ Lokꞌoninbil taxak li Dios li kꞌaxal nim xcuanquil chixba̱nunquil nabal chiru li nakatzꞌa̱ma. Riqꞌuin xnimal xcuanquil nacꞌanjelac saꞌ li ka̱m ut kꞌaxal nim xcuanquil chixba̱nunquil nabal chiru li nakoybeni.

Efesios 3:20 ပူးပေါင်းရင်းမြစ်များ

2 Corintios 9:8

Li Yos wank xwankil chenujob'resinkil rik'in chixjunil li rusilal re naq maajun sut texwanq sa' majelal ut texruuq ajwi' xb'aanunkil chixjunil li chaab'il k'anjel chi yo'oon rik'in li k'aru na'ela'ank cheru,

Romanos 4:21

q'axal k'ojk'o xch'ool chirix naq li Yos wank xwankil chi xb'aanunkil li k'aru kixyeechi'i chaq.

Jeremías 32:27

“K'e reetal, laa'in li Qaawa', li xYos chixjunileb' li wankeb' xyu'am. Maak'a' k'aru ch'a'aj xb'aanunkil chiwu.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

1 Corintios 2:9

Ab'anan, jo' naxye li Santil Hu: “Li ink'a' ilb'il ru, li ink'a' ki'ab'iik, chi moko kik'oxlaak sa' xch'ool li winq, a'an li kixkawresi li Yos cho'q reheb' li neke'rahok re”.

Efesios 1:19

Chenaw ajwi' naq k'ajo' xnumtajenaqil li xwankil qik'in laa'o li nokoopaab'ank, jo' chanru nak'utunk xb'aaneb' li xninqal ru xb'aanuhom li xwankilal.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Efesios 3:7

Ut anaqwan xaqab'anb'ilin cho'q aj k'anjel chirix li Chaab'il Esilal a'in, jo' chanru linmaatan k'eeb'il we rik'in xnimal rusilal li Yos xb'aan xkawilal li xwankil.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

1 Reyes 3:13

Tink'e ajwi' li ink'a' xatz'aama chiwu: aab'ihomal ut aaloq'al, chi q'axal nim wi' chik chiru junaq chik awab'ej jo' najtil yo'yooqat sa' ruuchich'och'.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Daniel 3:17

Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Colosenses 1:29

A'an aj e naq q'axal ninyal inq'e sa' link'anjel rik'in xnimal xwankil li Kriist, li kaw yo chi k'anjelak wik'in.

2 Crónicas 25:9

Kichaq'ok laj Amasías ut kixye re li xtaql li Yos: “K'aru taakanaaq wi' li o'taqk'aal chi tumin xink'e reheb' laj puub' aj Israel?”. Kichaq'ok li xtaql li Yos: “Q'axal naab'al chik chiru a'an tixk'e aawe li Qaawa'”, chan.

San Juan 10:10

“Laj elq' ka'ajwi' elq'ak, kamsink ut sachok naraj naq nachalk. Laa'in xinchalk re naq te'wanq xyu'am ut taawanq chi numtajenaq.

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!

Santiago 4:12

Jun ajwi' laj k'ehol chaq'rab' ut aj raqol aatin, a' li wank xwankil chi kolok ut chi sachok. A'ut laa'at anihat re xwech'b'al laawas aawiitz'in?

1 Timoteo 1:14

Ut li rusilal li Qaawa' q'axal xnumtaak wik'in xb'aan naq xk'e we li paab'ank ut li rahok li nachalk rik'in li Kristo Jesus.

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Hebreos 11:19

Kixk'oxla naq li Yos wank ajwi' xwankil chi xwaklesinkileb' chi yo'yo eb' li kamenaq. Jo'kan naq kixk'ul wi' chik laj Isahak sa' ruq' li Yos jo' jun eetalil.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

2 Pedro 1:11

Chi jo'kan taateliiq cheru li okeb'aal sa' li xnimal ut junelik x'awab'ejihom li Jesukriist, a' li Qaawa' ut aj Kolol qe.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

San Mateo 3:9

ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

2 Samuel 7:19

Ut moko tz'aqal ta a'in cho'q aawe, at Qaawa', xb'aan naq xat-aatinak ajwi' chirix li k'aru toj chaalel sa' xb'eeneb' li walal ink'ajol li te'wanq moqon. Maa'ani nab'aanunk re li nakab'aanu laa'at, at Qaawa'.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Génesis 18:4

Tintaqla xk'amb'al chaq b'ayaq li ha' re xch'ajb'al leeroq. Hilanqex wan sa' xmu li che'

2 Crónicas 9:12

Li awab'ej Salomón kixsi re li xna'eb' li tenamit Sabá li jo'k'ihal kiraj a'in ut kixpatz' q'axal wi' chik naab'al chiru li kik'ame'k chaq xb'aan a'an. Chirix chik a'an li xna'eb' li tenamit Sabá kisutq'iik sa' li xtenamit, rochb'eeneb' laj k'anjel chiru.