Efesios 3:17 - Q'eqchi Bible

¹⁷ Li Kriist chihilanq sa' leeraanm sa' xk'ab'a' li paab'aal. Chexe'eni ut cherub'ela eerib' sa' li rahok,

Li Santil hu

¹⁷ Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

Efesios 3:17 ပူးပေါင်းရင်းမြစ်များ

Colosenses 2:7

xe'eninb'ilaqex ut kab'lanb'ilaqex sa' xb'een, kaw xaqxooqex sa' li paab'aal jo' chanru tzolb'ilex wi', q'axal yooqex chi yoxink chiru li Yos.

1 Juan 4:16

Ut laa'o qanawom ut qapaab'ahom chi tz'aqal yaal li qaraab'al xb'aan li Yos. Li Yos a'an rahok, ut ani nakanaak sa' li rahok, a'an nakanaak rik'in li Yos ut li Yos rik'in a'an.

San Juan 14:23

Kichaq'ok li Jesus ut kixye: —Ani narahok we, tixk'e xch'ool chirix li waatin; linYuwa' taarahoq re, toochalq rik'in ut tqak'ojob' qana'aj rik'in.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

Romanos 5:5

ut li oyb'enink ink'a' nab'alaq'ik xb'aan naq ak hoyb'il sa' li qach'ool li xrahom li Yos xb'aan li Santil Musiq'ej k'eeb'il chaq qe.

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

San Lucas 6:48

chanchan jun winq li kikab'lak, kixb'ek xna'aj chi cham ut kixk'e li rub'elankil sa' xb'een pek. Naq kichalk li b'ut', koxpik'a rib' li nima' chiru li kab'l a'an ut ink'a' kiru xjuk'b'al xb'aan naq kab'lanb'il chi us.

San Mateo 13:6

ab'an, naq kichalk li saq'e, kik'atk ut kichaqik xb'aan naq maak'a' li xxe'.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

San Juan 6:56

Ani natzekank re lintz'ejwal ut naruk' linkik'el, nakanaak wik'in ut laa'in rik'in.

1 Corintios 8:1

Anaqwan too'aatinaq chirix li k'aru mayejanb'il chiruheb' li yal k'oxlanb'il yos. Yaal ajwi' naq “wank qak'a'uxl chiqajunilo”. Ab'an rik'in li xnimal nawok naq'etq'eto'k li winq; ka'ajwi' li rahok nakab'lank re li komonil.

1 Corintios 3:6

Laa'in xin'awok, laj Apolo xt'aqresink; ut li xk'iiresink, a'an li Yos.

2 Corintios 13:5

K'ehomaq reetal leeyu'am ma tz'aqal yookex sa' li paab'aal. Yalomaq eerix. Ma ink'a' nekek'e reetal naq li Jesukriist wank eerik'in? Mare anchal ak xk'utunk sa' xyalb'al eerix naq ink'a' us leech'ool.