Efesios 3:10 - Q'eqchi Bible

¹⁰ Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

Li Santil hu

¹⁰ Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

Efesios 3:10 ပူးပေါင်းရင်းမြစ်များ

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Efesios 6:12

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

1 Corintios 2:7

Nokoo'aatinak chirix xna'leb' li Yos, muqmuukil na'leb' li ink'a' natawmank ru ut kawresinb'il chaq xb'aan li Yos rub'elaj xtiklajik li ruuchich'och' re naq twanq xnimal qaloq'al.

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Efesios 1:21

kixk'e sa' xb'een chixjunileb' laj jolominel, sa' xb'eeneb' li wankeb' xwankil ut xkawilal malaj eb' li neke'awab'ejink, jo' ajwi' sa' xb'een chixjunil li wank moko ka'aj ta wi' sa' li ruuchich'och' a'in, sa' aj b'an wi' li toj chaalel.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

1 Corintios 1:24

ab'an cho'q reheb' li b'oqb'ileb', jo'eb' laj Judiiy jo'eb' laj Griego, a'an li Kriist, xnimal xwankil ut xna'leb' li Yos.

1 Pedro 3:22

li kitaqe'k sa' choxa ut wank chik anaqwan sa' xnim uq' li Yos. Rub'el roq wankeb' li ánjel jo' ajwi' li wankeb' xwankil ut neke'taqlank sa' choxa.

Colosenses 1:16

xb'aan naq sa' xk'ab'a' a'an kiyoob'tesiik chixjunil li k'a' re ru li wank sa' choxa jo'wi' sa' ruuchich'och', li na'ilmank ut li ink'a' na'ilmank ru, li wankeb' xnimal xk'anjel ut xwankil, li neke'taqlank ut neke'awab'ejink: chixjunil kiyoob'tesiik sa' xk'ab'a' a'an ut cho'q re a'an.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Efesios 1:8

li kixhoy chaq sa' qab'een chi yo'oon, rik'in chixjunil qana'leb' ut qak'a'uxl.

Romanos 8:38

Laa'in ninnaw naq chi moko li kamk malaj li yu'am, chi moko eb' li ánjel malaj li neke'awab'ejink sa' choxa, chi moko li k'a' re ru wank anaqwan malaj li toj chaalel, chi moko li wankeb' xwankil,

Salmos 104:24

K'ajo' xk'ihal laab'aanuhom, at Qaawa'! Xab'aanu chixjunil rik'in xnimal aana'leb'; nujenaq li ruuchich'och' rik'in chixjunil laayoob'tesihom!

Ezequiel 3:12

Toja' naq li xmusiq' li Yos kinxwaklesi ut kiwab'i jun xyaab' kuxej chiwix jo' li kawil hiik, yo chi xyeeb'al: “Chinimaaq ta xloq'al li Qaawa' yalaq b'ar”, chan.

Salmos 103:20

Chenima ru li Qaawa' chejunilex li x'ánjel, laa'ex li kaw eerib' chi xpaab'ankil li rajom ut yo'oon wankex chi xk'anjelankil li raatin.

Efesios 1:23

a'an li xtz'ejwal, xtz'aqob' li Kriist li naxnujob'resi ru chixjunil chi tz'aqal re ru.

Colosenses 2:10

jo' ajwi' tz'aqal re ru leeyu'am sa' xk'ab'a' A'an li najolomink re chixjunileb' li musiq'ej li neke'taqlank ut wankeb' xwankil.

Colosenses 2:15

Kixjuk' xwankileb' li musiq'ej neke'taqlank ut neke'awab'ejink, kixk'eheb' chi se'eek chiruheb' chixjunil ut kixk'ameb' chirix xb'aan xnimal xwankilal.