Efesios 3:1 - Q'eqchi Bible

¹ Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy.

Li Santil hu

¹ La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

Efesios 3:1 ပူးပေါင်းရင်းမြစ်များ

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Efesios 4:1

Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

2 Timoteo 1:8

Jo'kan naq matxutaanak chi xyeeb'al li yaal chirix li Qaawa', chi moko tatxutaanaq inb'aan laa'in li wankin sa' tz'alam sa' xk'ab'a' A'an. Chakuyaq ajwi' laa'at li rahilal nak'ulmank sa' xk'ab'a' li Chaab'il Esilal. Chakuy rik'in xwankil li Yos

Efesios 6:20

Taqlanb'ilin xb'aan li Yos chi xyeeb'al li Chaab'il Esilal, us ta b'ak'b'ookin chi kareen. Chextijoq re naq tinpuktesi chi maak'a' inxiw, jo' teneb'anb'il sa' inb'een.

Filemón 1:9

ab'an nawaj relajinkil aawu sa' xk'ab'a' li rahok, laa'in laj Pablo, ak xikenaq linchihab' ut anaqwan wankin sa' tz'alam sa' xk'ab'a' li Kristo Jesus.

Filipenses 1:7

Xk'ulub' naq laa'in tweek'a chi jo'ka'in cherix chejunilex, xb'aan naq wankex sa' linch'ool, rik'in naq laa'ex jun chi tz'aqonk rik'in li rusilal li Yos k'eeb'il we, naq wankin sa' tz'alam jo' ajwi' naq ninkol rix li Chaab'il Esilal ut ninxaqab' xwankil.

Filemón 1:1

Laa'in laj Pablo li wankin sa' tz'alam sa' xk'ab'a' li Kristo Jesus, wochb'een laj Timoteo li qiitz'in, nintz'iib'ak rik'in laj Filemón li raaro qab'aan ut qochb'een chi k'anjelak,

Hechos 23:18

A'an kixk'am li saaj al chirix, koxxaqab' chiru li xjolomileb' laj puub' ut kixye: —Laj Pablo li wank sa' tz'alam xinxb'oq ut xtz'aama chiwu naq tink'am chaq aawik'in li saaj al a'in. K'a' tana ru tixye aawe.

San Lucas 21:12

“Ab'anan rub'elaj chixjunil a'in texchape'q ut texrahob'tesiiq; texq'axtesiiq sa'eb' li ch'utleb'aal kab'l ut eb' li tz'alam; texk'ame'q chiruheb' li awab'ej ut eb' li ninqeb' xwankil sa' ink'ab'a'.

Filemón 1:23

Naxtaqla xsahil aach'ool laj Epafras, li wech preexil sa' xk'ab'a' li Kristo Jesus.

Hechos 26:29

Kichaq'ok laj Pablo ut kixye: —Ink'a' ninnaw ma kach'in malaj naab'al aj chik maa tat-ok chi kristiyanil. Xk'e taxaq li Yos naq moko ka'aj ta wi' laa'at, chixjunileb' b'an li yookeb' chi wab'inkil sa' li kutan a'in jo'kaqeb' taxaq laa'in, ab'anan chi maak'a'aqeb' li kareen a'in.

2 Timoteo 1:16

Li Qaawa' chiruxtaana taxaq li xjunkab'al laj Onesíforo, xb'aan naq k'iila sut xk'ojob' inch'ool ut ink'a' xxutaanak naq b'ak'b'ookin chi kareen.

Colosenses 4:18

Laa'in laj Pablo nintz'iib'a li xsahil eech'ool a'in rik'in wuq'. Chijultiko'q eere naq b'ak'b'ookin chi kareen. Li Usilal chiwanq taxaq eerik'in.

Colosenses 4:3

Chextijoq ajwi' chiqix laa'o re naq li Yos chixte taxaq rokeb'aal li Aatin chiqu, re xpuktesinkil resil li xmuqmuukil na'leb' li Kriist. Sa' xk'ab'a' a'an wankin sa' tz'alam;

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

Hechos 21:33

Toja' naq li xjolomileb' laj puub' kinach'ok, kixchap li apóstol ut kixye naq chib'ak'e'q rik'in wiib' chi kareen; ut kixtikib' xpatz'b'al ani a'an ut k'aru xb'aanu.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Efesios 3:13

Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.

Gálatas 5:11

Ex was wiitz'in, wi ta toj yookin chi xyeeb'al naq tento li sirkunsisyon, ink'a' raj chik tine'xrahob'tesi eb' laj Judiiy, xb'aan naq ak xraqe'k raj chi jo'kan li luktesink ch'oolej chirix li krus.

Gálatas 5:2

K'ehomaq reetal, laa'in laj Pablo li ninye eere: wi toj teek'ul li sirkunsisyon, maak'a' taa'ok wi' li Kriist cheru.

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

2 Corintios 1:6

Wi nokoorahob'tesiik, a'an re xk'ojob'ankil eech'ool ut re eekolb'al naq naqak'ul. Wi nak'ojob'aak qach'ool, a'an re xk'ojob'ankil eech'ool naq naqak'ul: a'an taatenq'anq eere chi xkuyb'al xnumsinkil li rahilal naqakuy laa'o.

Gálatas 5:24

Ut eb' li reheb' li Kriist xe'xk'e chiru krus li tz'ejwalej jo' ajwi' li k'aru naxrahi ut narataw ru.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Efesios 3:11

jo' chanru kixk'uub' li Yos chalen chaq q'e kutan ut kixb'aanu moqon sa' xk'ab'a' li Kristo Jesus, li Qaawa'.