Efesios 2:3 - Q'eqchi Bible

³ Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

Li Santil hu

³ Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

Efesios 2:3 ပူးပေါင်းရင်းမြစ်များ

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

1 Pedro 1:14

Jo'qex li alal k'ajolb'ej neke'paab'ank, meek'e chik eech'ool chirix li xerahi chaq ru junxil naq toj wankex chaq sa' xmajelal leena'leb'.

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Romanos 6:12

Jo'kan utan miwank chik xwankil li maak sa' leech'och'el sululel, meeb'aanu chik li k'aru naxrahi li tz'ejwalej.

Salmos 51:5

Ninnaw chi us naq xinq'et laawaatin, rajlal nanaqk sa' inch'ool li maak xinb'aanu.

1 Juan 2:16

Xb'aan naq chixjunil li k'a'aq re ru wank sa' ruuchich'och' (li ratawankil li naraj li tz'ejwalej, li ratawankil li naraj li xsa' uhej ut li q'etq'etil xb'aan li b'ihomal) moko rik'in ta li Yuwa'b'ej nachalk, rik'in b'an li ruuchich'och'.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

1 Corintios 4:7

xb'aan naq ani xsik'ok aawu chiruheb' chixjunil? K'aru wank aawe chi ink'a' ta aak'ulum? Ut wi yal aak'ulum, k'a' put naq nakanimob'resi aawib' chanchan naq moko aak'ulum ta?

Romanos 7:18

Ninnaw chi us naq maak'a' k'aru us wank wik'in, sa' linch'och'el sululel. Xb'aan naq wank sa' wuq' xrahinkil ru li us, ab'an li xb'aanunkil ink'a':

San Marcos 4:19

ab'an li k'oxlak chirix li k'a'aq re ru wank sa' ruuchich'och', li nab'alaq'ink wi' li b'ihomal ut li ratawankil li k'a'aq chik re ru na'ok sa' xch'ooleb', naxnat' li Aatin ut ink'a' chik na'uuchink xb'aan.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Romanos 11:30

Jo' naq laa'ex junxil ink'a' kepaab' chaq li Yos ut anaqwan wankex chik sa' li ruxtaan xb'aan li xq'etb'a aatineb' laj Judiiy,

Romanos 9:22

Li Yos q'axal kixkuy eb' li xk'ulub'eb' raj li tojb'amaak ut li sachk. Rik'in a'an kiraj xk'utb'al li xtiikilal xch'ool ut li xwankil.

San Juan 1:13

eb' a'in ink'a' ke'yo'laak rik'in kik', chi moko rik'in li naraj li tz'ejwalej malaj ut rik'in rajom junaq winq, rik'in b'an li Yos yo'lajenaqeb'.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Li xHu LAJ JOB 25:4

Chiru li Yos maajun tiik xch'ool, maajun naru tixye naq maak'a' xmaak.

Li xHu LAJ JOB 14:4

Li k'aru tz'ajn ru ink'a' naru xch'ajob'resinkil. Maa'ani naru xb'aanunkil chi jo'kan.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

2 Pedro 2:14

Ka'aj chik maa neke'xtiw eb' li ixq rik'in xsa' ruheb', tik ink'a' nak'ojlaak xch'ooleb' chi maakob'k; neke'xq'unb'esi li q'uneb' xch'ool, ak k'aynaqeb' chi xrahinkil ru li b'ihomal, maa'usilanb'ileb' chi junajwa!

1 Timoteo 6:9

A'ut eb' li neke'raj b'ihomo'k, neke'xk'e rib' chi aaleek ut te't'ane'q sa' li ra'al, sa' k'iila paay chi kaqalik q'axal yib'eb' ru ut maak'a' na'ok wi': eb' a'an neke'k'amok reheb' li winq sa' li sachleb'aal ut sa' li lajk-oso'k.

Gálatas 3:22

Ab'an li Santil Hu kixch'utub' chixjunil rub'el xwankil li maak re naq li xyeechi'om li Yos taak'eemanq reheb' laj paab'anel sa' xk'ab'a' xpaab'ankil li Jesukriist.

Romanos 1:24

Jo'kan naq li Yos kixk'eheb' chi xb'aanunkil li narataw xch'ooleb', kixq'axtesiheb' sa' xyib'al ru xmaa'usilaleb' toj ke'xmux li xtz'ejwaleb' chirib'ileb' rib':

1 Juan 2:8

Ab'anan ak' ajwi' li chaq'rab' li nintz'iib'a eerik'in (ut a'an tz'aqal yaal rik'in li Jesus ut eerik'in laa'ex), xb'aan naq li aak'ab' yo chi nume'k ut li tz'aqal saqenk ak nalemtz'unk.

Hechos 14:16

Sa'eb' li kutan ke'numje'k chaq kixkanab'eb' chixjunil li tenamit chi xk'amb'al xb'eheb' li ke'raj,

Génesis 5:3

Lajeeb' xwuqk'aal (130) chihab' wank re laj Adán naq kiwank chik jun ralal jo' tz'aqal xjalam u, jo' rilob'aal a'an; aj Set kixk'e cho'q xk'ab'a'.

Romanos 2:14

Naraj naxye: naq eb' li maawa'eb' aj Judiiy li maak'a'eb' xChaq'rab' neke'xb'aanu li naxye li Chaq'rab' xb'aan naq neke'reek'a sa' xch'ooleb', eb' a'an, us ta maak'a'eb' xChaq'rab', xchaq'rab'eb' rib' xjuneseb'.

Romanos 5:9

Anaqwan tiikob'resinb'il qach'ool xb'aan xkik'el li Kriist: ma toja' ta chik ink'a' tooxkol li Yos chiru li tojb'amaak sa' xk'ab'a' A'an?

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

Colosenses 1:21

Junxil laa'ex najtex chaq rik'in li Yos ut xik' nekeril A'an, xb'aan leek'a'uxl ut leeyib' aj b'aanuhom.

1 Ts 4:13

Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni.

1 Ts 5:6

Jo'kan b'i' moowark jo'keb' li junch'ol, chooyo'leq b'an ut aj'ajaq qu.