Efesios 2:20 - Q'eqchi Bible

²⁰ kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

Li Santil hu

²⁰ La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

Efesios 2:20 ပူးပေါင်းရင်းမြစ်များ

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Salmos 118:22

Li pek li xtz'eqtaanaak xb'aaneb' laj kab'lanel a'an li xkanaak cho'q xnimal ru pek sa' li kab'l.

Apocalipsis 21:14

Li tz'ak sutsu wi' li tenamit, a'an k'ojob'anb'il sa' xb'een kab'laju chi rub'elankil, ut chiruheb' a'an tz'iib'anb'il xk'ab'a' eb' li kab'laju chi x'apóstol li Karneer.

1 Corintios 12:28

Jo'ka'in li Yos kixxaqab' xk'anjel li junjunq sa' li Iklees: xb'een xb'een eb' li apóstol, sa' xkab' eb' li propeet; sa' rox eb' laj tzolonel; chirix a'an k'eeb'il li maatan re xb'aanunkil sachb'ach'oolej; chirix chik a'an k'eeb'il li maatan re k'irtasink, re tenq'ank, re jolomink, re aatinak sa' jalanil aatin.

San Mateo 21:42

Kixye li Jesus reheb': —Ma maajun wa eerilom sa' li Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l. A' li Qaawa' kib'aanunk re a'in, ut a'an sachb'ach'oolej chiqu»?

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

Proverbios 9:1

Li chaab'il na'leb' xkab'la li rochoch ut xruutz'u'uji ru rik'in wuqub' chi oqech;

Zacarías 10:4

Sa' xyanqeb' a'an te'elq laj jolominel, laj k'amol b'e ut li ninqeb' xwankil; sa' xyanqeb' a'an te'elq ajwi' chixjunileb' laj k'amol b'e.

Efesios 3:5

Sa'eb' li kutan ke'numje'k chaq ink'a' kik'utb'esiik chiruheb' li tenamit jo' naq xk'utb'esiik anaqwan chiruheb' li xsantil apóstol li Yos ut eb' li propeet, xb'aan li Musiq'ej.

Colosenses 2:7

xe'eninb'ilaqex ut kab'lanb'ilaqex sa' xb'een, kaw xaqxooqex sa' li paab'aal jo' chanru tzolb'ilex wi', q'axal yooqex chi yoxink chiru li Yos.

1 Pedro 2:6

Xb'aan naq tz'iib'anb'il sa' li Santil Hu: “K'ehomaq reetal, aran Sión tink'e jun li pek re rub'elankil li kab'l: a'an sik'b'il ru ut q'axal loq'. Li taapaab'anq re ink'a' taab'alaq'iiq”.

1 Reyes 7:11

Jo'kan ajwi' li tz'ak wank sa' xb'een: ke'xk'e li pek junes sik'b'ileb' ru, tuqub'anb'ileb' ut b'isb'ileb' ru, jo'wi' che' re yaw.