Efesios 2:14 - Q'eqchi Bible

¹⁴ Xb'aan naq li Kriist a'an li qatuqtuukilal: A'an kijunajink re li wiib' chi tenamit ut kixjuk' li tz'ak najachok reheb', a' li xik'il uuchink.

Li Santil hu

¹⁴ Li Cristo, aꞌan li naqꞌuehoc ke li tuktu̱quil usilal. Xban li Cristo junaj chic ku la̱o aj judío e̱riqꞌuin la̱ex li ma̱cuaꞌex aj judío. Xban nak quixmayeja rib saꞌ kacꞌabaꞌ, li Cristo quirisi li kajoskꞌil li naramoc re chiku li cua̱nc saꞌ xya̱lal chi kibil kib.

Efesios 2:14 ပူးပေါင်းရင်းမြစ်များ

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Colosenses 3:15

Li xtuqtuukil usilal li Kriist li kexb'oqe'k wi' sa' junaj chi tz'ejwalej, chitaqlanq taxaq sa' leech'ool; ut chexyoxinq.

Efesios 2:15

Li Kriist kixsach xwankil li Najter Chaq'rab' rik'in chixjunileb' li xtaqlahom ut xyehom, ut rik'in li wiib' chi tenamit kixk'uub' ru sa' li xjunxaqalil jun Ak' Winqilal. Chi jo'kan kiroksi li tuqtuukilal.

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

Colosenses 2:20

Wi eerech kamik li Kriist chiru li ruuchich'och'il na'leb', k'a' put naq leeyu'am kama' wi' li toj wank sa' ruuchich'och', k'a'ut naq nekek'ulub'an eb' li chaq'rab' a'in:

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

Hechos 10:28

Ut kixye reheb': —Laa'ex nekenaw naq ink'a' us cho'q re junaq aj judiiy xjunajinkil rib' rik'in junaq jalan xtenamit chi moko taaruuq taa'ok sa' rochoch. Ab'anan li Yos xk'ut chiwu naq maa'ani naru xtz'eqtaanankil, chi moko naru xyeeb'al naq a'an tz'ajn ru.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

Hebreos 7:2

A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).

Efesios 4:16

A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.

Efesios 3:15

a'an li xyo'leb'aal chixjunil li komonil sa' choxa ut sa' ruuchich'och',

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Juan 11:52

ut moko ka'aj ta wi' chirix li tenamit, re aj b'an wi' xch'utub'ankil sa' junajil eb' li ralal xk'ajol li Yos li neke'cha'chotk.

Zacarías 6:13

A'an taayiib'anq re li rochoch li Qaawa' ut tixk'ul xloq'al cho'q awab'ej; taak'ojlaaq sa' li xk'ojarib'aal chi awab'ejink. Laj tij taawanq chi xk'atq, ut li awab'ej ut laj tij te'wanq sa' tuqtuukilal ut sa' junaj ru ch'oolejil».

Ester 3:8

Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Efesios 2:17

Kichalk chi xyeeb'al resil li tuqtuukil usilal eerik'in laa'ex li najt wankex chaq jo' ajwi' rik'ineb' li nach' wankeb'.