Efesios 2:12 - Q'eqchi Bible

¹² Chijultiko'q eere naq junxil wankex chaq chi maak'a' li Kriist eerik'in, maawa'ex chaq xkomoneb' laj Israel, ab'lex b'an chiru li xyeechi'om li Yos ut chiru li Sumwank, maak'a' eeroyb'enihom ut maak'a' leeYos sa' li ruuchich'och' a'in.

Li Santil hu

¹² Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

Efesios 2:12 ပူးပေါင်းရင်းမြစ်များ

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

Colosenses 1:21

Junxil laa'ex najtex chaq rik'in li Yos ut xik' nekeril A'an, xb'aan leek'a'uxl ut leeyib' aj b'aanuhom.

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

1 Ts 4:13

Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni.

Efesios 4:18

q'oqyink ru li xk'a'uxeb' ut ab'leb' sa' li xyu'am li Yos, xb'aan naq maak'a' neke'xnaw ut kaweb' li xjolom.

Ezequiel 37:26

Tink'ojob' jun li sumwank rik'ineb' re naq te'wanq sa' tuqtuukilal ut sa' sahilal chi junajwa. Tink'eheb' chi wank sa' li xna'ajeb', tink'ihob'resiheb' ut aran tink'ojob' linsantil ochoch chi junwaakaj.

1 Ts 4:5

ut ink'a' k'amb'ilaq yal xb'aan ratawankil ru malaj xb'aan li yib' aj na'leb', jo' neke'xb'aanu eb' li junch'ol li ink'a' neke'xnaw ru li Yos.

San Juan 15:5

“Laa'in li xtoonal li uub'; laa'ex li ruq'. Ani nakanaak wik'in ut laa'in rik'in, a'an q'axal na'uuchink, xb'aan naq wi jachjooqex wik'in maak'a' naru teeb'aanu.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Romanos 9:8

Naraj naxye: maawa'eb' ralal xk'ajol li Yos eb' li yal tz'ejwalej ke'yo'laak wi'; ka'ajwi' li yo'lajenaqeb' sa' xk'ab'a' li xyeechi'om li Yos, a'aneb' tz'aqal li k'eeb'ileb' sa' ajl cho'q ralal xk'ajol laj Abrahán.

2 Crónicas 15:3

Chiru k'iila chihab' eb' laj Israel ke'wank chi maak'a' tz'aqal xYoseb', maak'a' junaq aj tij natzolok reheb' ut maak'a' li chaq'rab'.

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

Hechos 28:20

A'in xyaalal naq xintaqla eeb'oqb'al, re rilb'al eeru ut aatinak eerik'in, xb'aan naq tz'aqal sa' xk'ab'a' li royb'enihom li tenamit Israel b'ak'b'ookin rik'in li kareen a'in.

Hechos 3:25

Laa'ex li ralal xk'ajol li propeet, laa'ex li ralal xk'ajol li Sumwank li kixk'ojob' li Yos rik'in leena' leeyuwa' naq kixye re laj Abrahán: «Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och'».

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

1 Juan 3:3

Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

Hebreos 11:34

ke'xchup li kawil xam, ke'kole'k chiru li q'esnal ch'iich', ke'k'ehe'k xkawilal sa' li xyajeleb', ke'yalok chi kaw, ke'raanilasiheb' laj puub' jalan xtenamiteb';

1 Timoteo 1:1

Laa'in laj Pablo, x'apóstol li Kristo Jesus, jo' chanru rajom li Yos laj Kolol qe ut li Kristo Jesus li qasahil oyb'enihom,

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Colosenses 1:5

sa' xk'ab'a' royb'eninkil li sahil ch'oolej k'uulanb'il cho'q eere sa' choxa. Ak tzolb'ilex chaq chirix a'an xb'aan li Aatin re li yaal, a' li Chaab'il Esilal

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Juan 4:22

Laa'ex nekeloq'oni li b'arwan ink'a' nekenaw; laa'o naqaloq'oni li naqanaw, xb'aan naq li kolb'a ib' rik'ineb' laj Judiiy nachalk chaq.

San Lucas 1:72

rik'in ruxtaanankil ru li qana' qayuwa' jo'wi' rik'in xnaqik sa' xch'ool li xsantil Sumwank

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Ezequiel 13:9

Tintaqsi li wuq' sa' xb'eeneb' li propeet li neke'ilok b'alaq'il moy u ut neke'yehok tik'ti'. Eb' a'an moko te'okenq ta chi k'uub'ank sa' xyanqeb' lintenamit chi moko tz'iib'anb'ilaq li xk'ab'a'eb' sa' xhuhul eb' laj Israel. Ink'a' te'ok sa' xteepal Israel. Toj aran te'xnaw naq laa'in li Qaawa'».

Jeremías 14:8

Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Esdras 4:3

Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

Números 18:19

Chixjunil li loq'laj mayej te'xyeechi'i we eb' laj Israel, tink'e aawe laa'at, eb' laawalal ut eb' laarab'in. A'an a'in jun chaq'rab' chi junajwa. A'an jun sumwank chi junelik li xink'ojob' rik'in atz'am aawik'in ut rik'ineb' laawalal aak'ajol”, chan li Qaawa'.

Isaías 61:5

Eb' laj ab'l poyanam tole'xch'oolaniheb' leeketomq, eb' li jalaneb' xtenamit te'k'anjelaq cheru ut te'xxok ruheb' leerawimq.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Ezequiel 47:22

A'anaq leereechanihom; a'anaq ajwi' li na'ajej te'tz'aq li jalaneb' xtenamit wankeb' sa' eeyanq ut xe'wank ralal xk'ajoleb' sa' eeyanq. Juntaq'eet teeril jo'eb' aj Israel; sa' xjek'inkil li ch'och' eb' a'an ajwi' te'tz'aq na'ajej sa' eeyanq laa'ex aj Israel.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Efesios 2:19

Jo'kan utan, moko ab'lex ta chik chi moko yal aj numelex ta, laa'ex b'an chik rech tenamitilex eb' laj santil paab'anel, wankex anaqwan sa' rochoch li Yos,

Hebreos 8:6

A'ut anaqwan li Kriist kireechani jun k'anjel q'axal chaab'il, xb'aan naq na'okenk chirix jun Sumwank li q'axal chik chaab'il, k'ojob'anb'il sa' xb'een xyeechi'om li Qaawa' li q'axal loq'.

Éxodo 12:45

Laj ab'l tenamit ut li tojb'il ink'a' naru tixtzeka.