Efesios 2:10 - Q'eqchi Bible

¹⁰ Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

Li Santil hu

¹⁰ Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Efesios 2:10 ပူးပေါင်းရင်းမြစ်များ

Filipenses 2:13

xb'aan naq a' li Yos na'eek'asink eere chi rahok ut chi k'anjelak, jo' chanru na'alaak sa' xch'ool.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

2 Corintios 5:17

Jo'kan utan, li ani wank rik'in li Kriist, a'an ak' yoob'tesinb'il chik. Ak xnume'k li k'a'aq re ru q'eel, ut ak' chik chixjunil!

2 Corintios 9:8

Li Yos wank xwankil chenujob'resinkil rik'in chixjunil li rusilal re naq maajun sut texwanq sa' majelal ut texruuq ajwi' xb'aanunkil chixjunil li chaab'il k'anjel chi yo'oon rik'in li k'aru na'ela'ank cheru,

Efesios 4:24

ut tiqtooqex rik'in li Ak' Winq yoob'tesinb'il jo' xjalam u li Yos, sa' li tiikilal ut santilal li nachalk sa' xk'ab'a' li yaal.

Filipenses 1:6

K'ojk'o inch'ool naq li Yos li xyoob'ank re li chaab'il k'anjel a'in eerik'in yooq ajwi' chi xtz'aqob'resinkil ru, toj reetal sa' xkutankil li Kristo Jesus.

2 Timoteo 3:17

Chi jo'kan laj k'anjel chiru li Yos tz'aqalaq re ru ut kawresinb'ilaq re xb'aanunkil chixjunil li chaab'il k'anjel.

Efesios 4:1

Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

2 Timoteo 2:21

Wi ani naxkol rib' chiru chixjunil a'in, a'anaq jo' li sek' re chaab'il k'anjel, santob'resinb'il ut k'ajo' rusil cho'q re laj eechal re; yo'oon wank cho'q re chixjunil li chaab'il k'anjel.

Salmos 100:3

Chenawaq naq li Qaawa' a'an Yos, a'an kiyoob'tesink qe ut reho ajwi', laa'o li xtenamit, laa'o xkarneer k'aak'alenb'ilo xb'aan.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Isaías 43:21

Toja' naq li tenamit li kinkawresi cho'q we te'xb'icha linloq'al.

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

1 Timoteo 6:18

Chatz'aama naq usilal che'xb'aanu, jo' ajwi' naq che'b'ihomo'q rik'in li chaab'il b'aanuhom ut che'wotzoq chi anchaleb' xch'ool.

Tito 3:14

Eb' li qakomon che'xtzolaq rib' chi xq'axtesinkileb' rib' chi xb'aanunkil li chaab'il k'anjel re xtenq'ankil li q'axal wankeb' sa' rajb'al ru; chi jo'kan moko jo'qeb' ta li maak'a' neke'ok wi'.

Hebreos 10:24

Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

Tito 3:8

Tz'aqal yaal li aatin a'in ut nawaj naq taach'olob' chi tz'aqal, re naq eb' li ak neke'xpaab' li Yos te'xk'e xch'ool chi xb'aanunkil li chaab'il k'anjel. A'an us ut nak'anjelak cho'q reheb' chixjunil.

Colosenses 3:10

ut xetiqib' eerib' rik'in li ak' yu'am: ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere.

Tito 2:7

Chak'e aawib' chi xk'amb'aleb' xb'e sa' chixjunil li chaab'il k'anjel: rik'in li tz'aqal tij, rik'in xloq'al laayu'am,

1 Corintios 3:9

Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

Tito 3:1

Chajultika reheb' laj paab'anel naq che'paab'anq chiruheb' laj taqlanel ut li wankeb' sa' xwankil; che'ab'inq ut yo'oon wanqeb' re xb'aanunkil chixjunil li chaab'il k'anjel.

1 Juan 2:6

Ani nayehok naq wank rik'in li Yos, tento taawanq jo' naq kiwank li Jesus.

Salmos 138:8

Li Qaawa' tixtz'aqob'resi li k'aru xtikib' cho'q we. At Qaawa', laarahom wank chi junelik; ink'a' taxaq chakanab' xchoyb'al li k'anjel xatikib' rik'in laawuq'!

Isaías 29:23

naq te'ril li ninb'aanu sa' xyanqeb', te'xsantob'resi link'ab'a', te'xch'olob' li xsantilal li xYos laj Jakob ut te'xxiwa ru li xYos laj Israel.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

San Juan 3:21

A'ut li nak'anjelank re li yaal, naxik wan wi' li saqenk, re naq chik'utunq naq eb' li xb'aanuhom uxb'ileb' sa' xk'ab'a' li Yos”.

Salmos 51:10

Chiwanq sahilal ut ninq'ehik; chiweek'a wi' chik xsahil linch'ool, us ta laa'at xaputz'i linb'aqel.

2 Ts 2:17

a'an taxaq chik'ojob'anq eech'ool ut chik'ehoq eekawub' re xb'aanunkil ut xyeeb'al chixjunil li us.

Romanos 8:29

Xb'aan naq eb' li kixnaweb' ru ut kixraheb' chi junxilaj, kixxaqab'eb' ajwi' chi xjalam'uuchinkil li Ralal, re naq a'anaq asb'ej sa' xyanqeb' xk'ihaleb' li riitz'in.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

2 Corintios 5:5

Ut li xkawresink qe cho'q re a'in, a'an ajwi' li Yos, ut a'an xk'ehok qe li Musiq'ej, reetalil naq tixb'aanu li xyeechi'om.

Isaías 44:21

Jultikaq aawe, a Jakob, naq laa'at aj k'anjel chiwu; laa'at aj k'anjel chiwu xb'aan naq laa'in kinyoob'tesink aawe. Minsachk sa' laach'ool, a Israel.

1 Timoteo 5:25

Jo'kan ajwi' eb' li chaab'il b'aanuhom k'utk'uukeb' chiruheb' chixjunil; ut eb' li moko k'utk'uukeb' ta, moko te'kanaaq ta junelik chi muqmu.

1 Timoteo 2:10

rik'in b'an chaab'il b'aanuhom jo' xk'ulub'eb' li ixq neke'raj roxloq'inkil li Yos.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

1 Timoteo 5:10

ut nawnooq ru rik'in li chaab'il k'anjel ak xb'aanuhom: naraj naxye, xtijeb' chi chaab'il eb' li ralal xk'ajol, xk'ehok ochochnaal, xch'ajom roqeb' laj santil paab'anel, xtenq'aheb' li wankeb' sa' rahilal ut xb'aanuhom yalaq k'a' chi chaab'il k'anjelil.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Hechos 9:36

Kiwank aran Jope jun li ixq aj paab'anel, xTabitá xk'ab'a' (chi jalb'il ru naraj naxye: “Ch'ina Yuk”). A'an naxb'aanu naab'al li usilal ut k'ajo' li lemoox naxk'e.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Isaías 19:25

Ut te'osob'tesiiq xb'aan li Nimajwal Yos chi jo'ka'in: “Osob'tesinb'il taxaq Ejiipt lintenamit, jo' ajwi' Asiria li kink'uub' rik'in wuq'; osob'tesinb'ilat taxaq Israel, li tz'aqal intenamit”, cha'aq li Yos.

Salmos 119:3

eb' li ink'a' neke'b'aanunk maa'usilal, neke'xtaaqe b'an li xb'e li Qaawa'.

Salmos 81:13

Jo'kan naq xeb'inkanab' sa' xkawilal li xjolomeb' re naq te'xb'aanu li x'alaak sa' xch'ooleb'.

Gálatas 6:15

Maak'a' na'ok wi' xk'ulb'al li sirkunsisyon malaj ut ink'a'; li tz'aqal aajel ru a'an li wank chi ak' xyoob'tesihom li Yos.

Romanos 8:1

Jo'kan utan, maak'a' chik tojb'amaak sa' xb'eeneb' li wankeb' rik'in li Kristo Jesus.

Deuteronomio 32:6

Ma jo'kan naq nakaq'ajkamu li Qaawa' laaYos, at jip aj tenamit ut maak'a' aana'leb'? Ma ink'a' tab'i' A'an laaYuwa', laj Winqob'resihom aawe?

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Efesios 1:1

Laa'in laj Pablo, x'apóstol li Kristo Jesus jo' x'alaak sa' xch'ool li Yos, nintz'iib'ak rik'ineb' li sant ut eb' laj paab'anel sa' xk'ab'a' li Kristo Jesus.

Efesios 2:6

Li Yos xoxwaklesi chi yo'yo qochb'een li Kriist ut xooxk'e chi k'ojlaak sa' li choxa sa' xk'ab'a' li Kristo Jesus,

Efesios 2:13

A'ut anaqwan sa' xk'ab'a' li Kristo Jesus laa'ex li najt wankex chaq junxil, nach' chik wankex sa' xk'ab'a' xkik'el li Kriist.

Efesios 2:15

Li Kriist kixsach xwankil li Najter Chaq'rab' rik'in chixjunileb' li xtaqlahom ut xyehom, ut rik'in li wiib' chi tenamit kixk'uub' ru sa' li xjunxaqalil jun Ak' Winqilal. Chi jo'kan kiroksi li tuqtuukilal.