Efesios 1:23 - Q'eqchi Bible

²³ a'an li xtz'ejwal, xtz'aqob' li Kriist li naxnujob'resi ru chixjunil chi tz'aqal re ru.

Li Santil hu

²³ Li Cristo aꞌan li najolomin ke la̱o aj pa̱banel. Ut la̱o chanchano li rok rukꞌ nak cuanco. Junak li tzꞌejcualej moco tzꞌakal ta re ru cui ma̱cꞌaꞌ lix jolom. Joꞌcan ajcuiꞌ junak li jolomej, cui ma̱cꞌaꞌ li rok rukꞌ incꞌaꞌ tzꞌakal re ru. Joꞌcan nak tento nak li Cristo ta̱jolomi̱nk ke la̱o aj pa̱banel ut la̱o cua̱nko joꞌ li rok rukꞌ li Cristo.

Efesios 1:23 ပူးပေါင်းရင်းမြစ်များ

San Juan 1:16

Rik'in li xnimal xnujenaqil, xqak'ul qe chiqajunilo: q'axal numtajenaq li rusilal kihoye'k sa' qab'een!

Efesios 4:12

Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist,

Efesios 3:19

Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

Efesios 4:10

Li kikub'e chaq, a'an ajwi' li kitaqe'k sa' xb'een chixjunil sa' choxa re xnujob'resinkil chixjunil.

1 Corintios 15:28

Ut naq akaq xk'eemank chixjunil rub'el xwankil, toja' naq li K'ajolb'ej tixq'axtesi ajwi' rib' rub'el xwankil li xk'ehok re chixjunil rub'el roq, re naq li Yos a'anaq chixjunil sa' chixjunil.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Colosenses 3:15

Li xtuqtuukil usilal li Kriist li kexb'oqe'k wi' sa' junaj chi tz'ejwalej, chitaqlanq taxaq sa' leech'ool; ut chexyoxinq.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Efesios 2:16

Kixjuk' xwankil li xik'il uuchink sa' xk'ab'a' li xkamik chiru krus ut kixk'ameb' wi' chik sa' usilal rik'in li Yos eb' laj Judiiy ut eb' li junch'ol, re naq junajaqeb' aj chik chi tenamit te'kanaaq chi xkab'ichaleb'.

1 Corintios 12:6

Jalan jalanq li qab'aanuhom, ab'an jun ajwi' li Yos li naxb'aanu chixjunil rik'in chixjunileb'.

Romanos 13:5

Jo'kan utan, tento texpaab'anq chiruheb', moko ka'aj ta wi' re naq ink'a' texrahob'tesiiq, re aj b'an wi' naq k'ojk'ooq leech'ool.

Efesios 4:4

Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'.

Efesios 3:10

Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

Efesios 4:13

toj reetal taaqeechani li junajil chiqajunilo; junajaq li qapaab'aal ut junajaq ru li xnawb'al ru li Ralal li Yos, toj reetal naq laa'aqo li Winq tz'aqal re ru, tz'aqalaq qe qu jo' naq tz'aqal re ru li Kriist.

Colosenses 2:19

Li nab'aanunk re a'an, ink'a' chapcho rik'in li Jolomej, xb'aan naq li Kriist nach'oolanink ut nak'uub'ank re chixjunil li Tz'ejwalej, sa' xk'ab'a' li xtiqam li xb'aqel ut li xtoqb'al li roq ruq', re naq taak'iiq jo' naraj li Yos.