Efesios 1:14 - Q'eqchi Bible

¹⁴ a'an li naqachap wi' li qaloq'laj maatan, toj reetal taatz'aqloq ru li qakolb'al laa'o li tenamit eechaninb'il xb'aan li Yos, re naq chinimaaq xloq'al.

Li Santil hu

¹⁴ Li Santil Musikꞌej quiqꞌueheꞌ ke chokꞌ retalil nak takacꞌul chixjunil li yechiꞌinbil ke xban li Dios ut ta̱tzꞌaklok ru li kacolbal. Joꞌcan nak lokꞌoninbilak ru riqꞌuin lix nimal xcuanquilal.

Efesios 1:14 ပူးပေါင်းရင်းမြစ်များ

2 Corintios 5:5

Ut li xkawresink qe cho'q re a'in, a'an ajwi' li Yos, ut a'an xk'ehok qe li Musiq'ej, reetalil naq tixb'aanu li xyeechi'om.

2 Corintios 1:22

ut kixk'e qeetalil rik'in li xkaaxt, kixsi qe sa' li qaanm li Musiq'ej jo' reetalil naq tixb'aanu li xyeechi'om.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

Gálatas 4:6

Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

Efesios 1:12

re naq chinimaaq xloq'al qab'aan laa'o li ak junxil xaqxo chaq li qoyb'enihom rik'in li Kriist.

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

Salmos 78:54

Kixk'ameb' li xtenamit toj sa' li loq'laj na'ajej, toj sa' li tzuul li ki'eechaniik xb'aan li xnim uq'.

Salmos 74:2

Chijultiko'q aawe li komonil kaweechani najter q'e kutan, a' li molam kakol laa'at re tkanaaq cho'q aawe; chijultiko'q aawe li tzuul Sión b'arwi' kayiib' laamuheb'aal.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

San Lucas 21:28

Naq taatiklaaq chixjunil a'in, kawub'resihomaq eech'ool ut chetaqsihaq leejolom, xb'aan naq ak xnach'ok chaq leekolb'al”.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,