Efesios 1:13 - Q'eqchi Bible

¹³ Sa' xk'ab'a' A'an laa'ex li xerab'i ut xepaab' li Aatin re li yaal, a' li xChaab'il Esil leekolb'al, xexkaaxtiik ajwi' cho'q reechanihom li Yos, rik'in li Santil Musiq'ej yeechi'inb'il chaq:

Li Santil hu

¹³ Ut joꞌcan ajcuiꞌ la̱ex li ma̱cuaꞌex aj judío. Nak xerabi lix ya̱lal li colba-ib, la̱ex xepa̱b li Cristo ut xecꞌul li Santil Musikꞌej, li quiyechiꞌi̱c e̱re chokꞌ retalil nak la̱ex chic li ralal xcꞌajol.

Efesios 1:13 ပူးပေါင်းရင်းမြစ်များ

2 Corintios 1:22

ut kixk'e qeetalil rik'in li xkaaxt, kixsi qe sa' li qaanm li Musiq'ej jo' reetalil naq tixb'aanu li xyeechi'om.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

1 Ts 2:13

Jo'kan naq laa'o ajwi' junelik nokooyoxink chiru li Yos xb'aan naq, jo'q'e xerab'i li Raatin li Yos xqapuktesi eere, xek'ul moko jo' ta raatin li winq, jo' b'an tz'aqal li xyaalalil, jo' raatin li Yos li yo chi k'anjelak rik'in xwankil sa' eeyanq laa'ex laj paab'anel.

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

Tito 2:11

Xb'aan naq ak xk'utunk li xnimal rusilal li Yos chiruheb' chixjunil:

Gálatas 3:14

Chi jo'kan li maawa'eb' aj Judiiy te'xk'ul ajwi' li rosob'tesihom li Yos yeeb'il chaq re laj Abrahán, sa' xk'ab'a' li Kristo Jesus, ut laa'o sa' xk'ab'a' li paab'aal tqak'ul li Musiq'ej li yeechi'inb'il chaq.

Joel 2:28

“Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

San Lucas 24:49

Chek'e reetal, laa'in tintaqla chaq sa' eeb'een li xyeechi'om linYuwa'. Kanaaqex wan sa' li tenamit Jerusalén toj tolextiqib'aaq rik'in li wankilal taachalq chaq taqe'q.

Salmos 119:43

Maawisi taxaq chi xtz'uumal we laawaatin li tz'aqal yaal, xb'aan naq kaw linch'ool chi royb'eninkil laak'uub'ahom.

1 Pedro 2:10

Junxil moko tenamitex ta chaq, ut anaqwan xtenamitex chik li Yos; laa'ex ink'a' uxtaananb'il chaq eeru xb'aan li Yos, ut anaqwan xetaw li ruxtaanal.

Romanos 6:17

Ab'anan, b'anyox re li Yos, laa'ex li xexwank chaq cho'q moos re li maak, xepaab' chi anchal eech'ool leechaab'il tzolb'al li xexq'axtesiik wi';

Hechos 1:4

Ut sa' jun li kutan, naq yo chi wa'ak rochb'eeneb' sa' meex, kixchaq'rab'iheb' chi jo'ka'in: —Mex'elk Jerusalén, cheroyb'eni b'an li xyeechi'om li Yuwa'b'ej li xerab'i wik'in.

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

Hechos 13:26

“Ex was wiitz'in, ex ralal xk'ajol li yo'lajenaqeb' rik'in laj Abrahán jo'wi' laa'ex li nekexiwa ru li Yos, qik'in laa'o taqlanb'il chaq li Aatin a'in aj k'ehol kolb'a ib'.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Lucas 11:13

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik li choxahil Yuwa'b'ej ink'a' tixk'e li Santil Musiq'ej reheb' li te'xtz'aama chiru!”.

Apocalipsis 7:2

Moqon kiwil jun chik li ánjel, yo chaq chi taqe'k sa' releb'l saq'e, wan chaq li xtz'apleb' li yo'yookil Yos rik'in. Ut kaw xyaab' xkux naq kixjap re chi xyeeb'al reheb' li kaahib' chi ánjel li ke'k'ehe'k xwankil chi xrahob'tesinkil li ruuchich'och' ut li palaw:

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

2 Timoteo 3:15

Jo'kan ajwi' jultikaq aawe naq chalen chaq sa' laakach'inal nakanaw xsa' li Santil Hu. A'an wank xwankil re xk'eeb'al aana'leb' li nak'amok sa' li kolb'a ib' sa' xk'ab'a' xpaab'ankil li Kristo Jesus.

2 Timoteo 2:15

K'e aach'ool chi wank chi chaab'il chiru li Yos jo' li winq yalb'il rix, jo' laj k'anjel li maak'a' k'aru taaxutaanaq wi' ut naxk'ut chi us li Aatin re li yaal.

Efesios 4:21

wi relik chi yaal naq eerab'ihom aatinak chirix ut wi A'an li tzolb'ilex wi' chaq, jo' chanru li yaal wank rik'in li Jesus.

2 Corintios 6:7

rik'in xyeeb'al li yaal, rik'in xwankil li Yos, rik'in xk'anjelob'aal li tiikil ch'oolej chi qanim ut chi qatz'e.

San Juan 3:33

Ani nak'ulub'ank re li xyehom, a'an naxye chi yaal naq paab'ajel li Yos.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.