Efesios 1:11 - Q'eqchi Bible

¹¹ Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Li Santil hu

¹¹ La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Efesios 1:11 ပူးပေါင်းရင်းမြစ်များ

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

1 Pedro 1:4

re reechaninkil li maatan ink'a' nalajk na'oso'k, li ink'a' natz'ajniik chi moko naq'aak, a' li ak kawresinb'il sa' choxa cho'q eere

Efesios 1:14

a'an li naqachap wi' li qaloq'laj maatan, toj reetal taatz'aqloq ru li qakolb'al laa'o li tenamit eechaninb'il xb'aan li Yos, re naq chinimaaq xloq'al.

Efesios 3:11

jo' chanru kixk'uub' li Yos chalen chaq q'e kutan ut kixb'aanu moqon sa' xk'ab'a' li Kristo Jesus, li Qaawa'.

Efesios 1:5

kixsik' chaq qu chi junxilaj cho'q ralal xk'ajol sa' xk'ab'a' li Jesukriist, jo' chanru kiraj li xchaab'ilal xch'ool,

Gálatas 3:18

Wi ta sa' xk'ab'a' li Chaq'rab' nachalk li qamaatan, ink'a' raj chik taachalq sa' xk'ab'a' li xyeechi'om li Yos. A'ut li Yos rik'in xyeechi'om kixsi li rusilal re laj Abrahán.

Hebreos 6:17

Li Yos kiraj xk'utb'al chi tz'aqal yaal chiruheb' li te'eechaninq re li xyeechi'om, naq ink'a' taach'inanq xch'ool chirix li k'aru kixk'uub' chaq. Jo'kan naq ki'aatinak rik'in jurament,

Tito 3:7

re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

Colosenses 3:24

nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Hechos 4:28

Chi jo'kan xe'xb'aanu li ak k'uub'k'u chaq aab'aan rik'in xnimal aawankil ut aana'leb'.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Salmos 37:18

Li Qaawa' naxk'aak'aleheb' li tiikeb' xch'ool jo' najtil te'wanq sa' ruuchich'och'; ut li k'aru te'reechani, taawanq chi junelik.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

Romanos 11:34

Ani xnawok re li k'aru wank sa' xch'ool li Qaawa'? Ani xk'ehok xna'leb'

Zacarías 6:13

A'an taayiib'anq re li rochoch li Qaawa' ut tixk'ul xloq'al cho'q awab'ej; taak'ojlaaq sa' li xk'ojarib'aal chi awab'ejink. Laj tij taawanq chi xk'atq, ut li awab'ej ut laj tij te'wanq sa' tuqtuukilal ut sa' junaj ru ch'oolejil».

Jeremías 23:18

Ab'anan, ani sa' xyanqeb' a'an xtz'aqonk sa' li xk'uub'ank li Qaawa'? Ani x'ilok ut x'ab'ink li aatin kixye? Ani xk'e xch'ool chi rab'inkil li raatin li Qaawa'?

Isaías 28:29

Jo'kan ajwi' naxb'aanu li Qaawa', li Nimajwal Yos: k'ajo' xchamal li xk'uub'ahom ut naxb'aanu chixjunil rik'in xseeb'al xk'a'uxl!

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Proverbios 8:14

We li k'uub'ank ut li xb'aanunkil; laa'in laj k'ehol na'leb' ut li xyo'leb'aal li kawil ch'oolej.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Efesios 1:8

li kixhoy chaq sa' qab'een chi yo'oon, rik'in chixjunil qana'leb' ut qak'a'uxl.

Li xHu LAJ JOB 12:13

Ab'an li Yos a'an xyo'leb'aal li choxahil na'leb' ut wankilal; li k'aru naxk'uub' xb'aanunkil, naxb'aanu.

Li xHu LAJ JOB 33:29

A'an a'in naxb'aanu qe li Qaawa' k'iila sut,

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Hechos 13:48

Naq eb' li maawa'eb' aj Judiiy ke'rab'i a'in, ke'saho'k sa' xch'ool ut ke'ok chi xnimankil xwankil li Raatin li Qaawa'. Ut chixjunileb' li ak xaqab'anb'ileb' chi xtawb'al li junelik yu'am ke'ok chi paab'ank,

Romanos 8:29

Xb'aan naq eb' li kixnaweb' ru ut kixraheb' chi junxilaj, kixxaqab'eb' ajwi' chi xjalam'uuchinkil li Ralal, re naq a'anaq asb'ej sa' xyanqeb' xk'ihaleb' li riitz'in.

Romanos 8:30

Ut eb' li kixxaqab'eb' chaq, eb' a'an kixtiikob'resiheb' chaq xch'ool; ut eb' li kixtiikob'resiheb' xch'ool, kixk'eheb' ajwi' xloq'al.

Romanos 9:11

Us b'i', k'ehomaq reetal: re naq xaqxooq xwankil li xnimal xk'a'uxl li Yos li nasik'ok u moko sa' xk'ab'a' ta li xb'aanuhomeb' li winq, sa' xk'ab'a' b'an naq A'an nab'oqok, rub'elaj chaq li xyo'lajikeb' li wiib' chi k'uula'al naq toj maji' xb'aanuhomeb' junaq li us malaj junaq li ink'a' us,

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.