Eclesiastés 9:11 - Q'eqchi Bible

¹¹ Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Li Santil hu

¹¹ Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Eclesiastés 9:11 ပူးပေါင်းရင်းမြစ်များ

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Eclesiastés 3:17

Jo'kan naq xinye sa' inch'ool: “Li Yos taaraqoq aatin sa' xb'een li tiik xch'ool ut laj maak, xb'aan naq wank xq'ehil chixjunil li nak'ulmank ut li nab'aanumank”.

Eclesiastés 3:14

Ninnaw ajwi' naq chixjunil li naxb'aanu li Yos, wanq chi junelik. Maak'a' tiqe'k chi moko jeb'e'k naraj. Li Yos xb'aanu chixjunil chi jo'kan, re naq taaqoxloq'i li xnimal xwankil.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

2 Crónicas 20:15

ut kixye: “Ab'ihomaq chi us, chejunilex aj Judá ut aj Jerusalén, jo'wi' laa'at, a Josafat, at awab'ej. Li Qaawa' yo chi xyeeb'al eere: «Mexxiwak chi moko chi'ok leek'a'uxl chi rilb'aleb' li k'iila aj puub' a'an, xb'aan naq li yalok a'in, maawa' eere laa'ex, re b'an li Qaawa'.

Deuteronomio 8:18

“Chijultiko'q aawe li Qaawa' laaYos: a'an li xk'ehok aakawilal chi xtamresinkil li b'ihomal. Ut xb'aanu chi jo'kan re xpaab'ankil li Sumwank li kixyeechi'i sa' jurament reheb' laana' laayuwa'.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Jeremías 46:6

Moko te'ruuq ta elelik eb' li kaw neke'aanilak chi moko te'kole'q li jwal kaw rib'eb': sa' xjayal releb'l iq', chire li nima' Éwfrates, xe'tichk'ok ut xe't'ane'k.

Eclesiastés 7:13

K'e reetal li xb'aanuhom li Yos: maa'ani taatiikob'resinq re li k'aru xk'onob' rix A'an.

Eclesiastés 4:1

Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Eclesiastés 2:12

Xin'ok ajwi' chi k'oxlak chirix chixjunil li chaab'il na'leb', jo'wi' chirix li memil ut li jipil. K'a' chik ru tixb'aanu li awab'ej tkanaaq sa' linna'aj? Ma ink'a' tab'i' a' li ak xinb'aanu laa'in?

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

2 Samuel 17:14

Toja' naq laj Absalón ut chixjunileb' laj Israel ke'xye: “Q'axal us li na'leb' xk'e laj Jusay aj Arkí chiru li xk'e laj Ajitófel”, chankeb'. A' li Qaawa' ki'ajok xpo'b'al ru li xk'uub'ahom laj Ajitófel, us ta a'an jwal us, re xk'amb'al chaq li rahilal sa' xb'een laj Absalón.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

1 Samuel 17:50

Jo'ka'in naq laj David kixq'ax ru laj Filistea rik'in jok' ut pek; kixket ut kixkamsi chi maak'a' xch'iich' sa' ruq'.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

2 Samuel 17:23

Naq laj Ajitófel kixk'e reetal naq laj Absalón ink'a' kixk'ulub'an li xyehom, kixyiib' rix li xb'uur ut koho sa' rochoch sa' li xtenamit. Aran kixchaq'rab'i li xjunkab'al ut kixyatz' rib'. Jo'ka'in naq kikamk, ut ke'xmuq sa' li na'ajej kimuqe'k wi' li xyuwa'.

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

1 Samuel 6:9

K'ehomaq reetal: wi li kareet taaxik sa' xb'ehil Bet-Semes, xna'ajeb' laj Israel, naraj naxye naq li xYos laj Israel xb'aanunk eere li nimla rahilal a'in. Wi ut ink'a', aran tqanaw naq maawa' A'an xrahob'tesink qe, yal xqak'ul b'an sa' iq'”, chankeb'.

Salmos 76:5

K'ajo' xlemtz'unkil laaloq'al, at Qaawa', q'axal nim laawankil chiruheb' li najteril tzuul.

Proverbios 1:5

Li wank xna'leb' ut seeb' xk'a'uxl naxk'e xch'ool chi rab'inkil, ut chi jo'kan naxtaw xtz'aqob' li xna'leb' ut li xk'a'uxl,

Eclesiastés 9:2

Juntaq'eet te'xk'ul chixjunileb': jo' li tiik xch'ool jo'wi' li ink'a' tiik xch'ool, jo' li chaab'il xna'leb' ut li ink'a' us xna'leb', jo' li naxpaab' li Chaq'rab' ut li ink'a' naxpaab', jo' li namayejak ut li ink'a' namayejak, jo' li saq ru xch'ool ut laj maak, jo' li naxb'aanu jurament ut li ink'a' naxb'aanu.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Jeremías 48:14

“K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?